កាណាដា៖
ដូចដែលប្រិយមិត្តបានជ្រាបរួចមកហើយថា
ដោយនេះជារដូវកាន់បិណ្ឌ គេសង្កេតឃើញថាពុកម៉ែបងប្អូនទាំងអស់
បាននាំគ្នាយកចង្ហាន់ទៅប្រគេនព្រះសង្ឃនៅឯវត្ត ដែលនេះជាប្រពៃណីខ្មែរយូរលង់ណាស់មកហើយ។
ជាក់ស្ដែង ខណៈពេលដែលតារាចម្រៀងស្រី ដ៏មានប្រជាប្រិយភាពអ្នកនាង មាស សុខសោភា
កំពុងតែរស់នៅក្រៅប្រទេស ជាមួយនឹងការចេញសម្ដែងផងនោះ
ធ្វើឲ្យបណ្ដាអ្នកគាំទ្រនៅក្នុងស្រុកនិងក្រៅស្រុក តែងតែតាមពីសកម្មភាពរបស់នាង រំលងពីខ្សែភ្នែកនោះទេ។
លើសពីនេះទៅទៀតនោះគឺ តារាចម្រៀងស្រីដែលមានសម្លេងផ្អែមអ្នកនាង មាស សុខសោភា
ក៏បានបង្ហាញពីសកម្មភាពជាច្រើនរបស់ខ្លួន ជាមួយការទៅវត្តក្នុងពិធីភ្ជុំបិណ្ឌអមទៅដោយទឹកមុខយ៉ាងស្រស់ស្រាយ
ធ្វើឲ្យបណ្ដាអ្នកគាំទ្រមានការចាប់អារម្មណ៍ខ្លាំងមែនទែន។
ទាំងនេះស្ដែងឲ្យឃើញថា បើទោះបីជាអ្នកនាង មាស សុខសោភា ចេញទៅសម្ដែងនៅក្រៅប្រទេស និងមានភាពមមាញឹកខ្លាំងយ៉ាងណាក៏ដោយ
ក៏តារាស្រីរូបនេះ មិនចោលប្រពៃណីទំនៀមទម្លាប់របស់ខ្មែរយើងដែរ៕
តោះទៅទស្សនារូបភាពទាំងអស់គ្នា៖
ប្រពៃណាស់ ទោះបីជា មាស សុខសោភា នៅក្រៅប្រទេសក៏ពិតមែន តែនៅឆ្លៀតទៅធ្វើបុណ្យ ក្នុងឱកាសភ្ជុំបិណ្ឌដដែល
តារា & កម្សាន្ដ
២០-កញ្ញា-២០១៩ ២ល្ងាច · ៥ ឆ្នាំមុន