ខេត្តបាត់ដំបង ៖ ក្រុមជួយសង្គ្រោះបានបញ្ជូនជនរងគ្រោះឆ្លងព្រំដែនមកដល់ទឹកដីខ្មែរហើយ នៅវេលាម៉ោង៦ល្ងាច ថ្ងៃទី១៩ កញ្ញា ២០១៩នេះ។ សមត្ថកិច្ចបានឲ្យដឹងថា ក្រុមជួយសង្គ្រោះ បានបញ្ជូនជនរងគ្រោះតាមរថយន្តសង្គ្រោះរបស់យោធា ដែលរងចាំជាស្រេចនៅក្បែរព្រំដែន ខណៈក្រុមគ្រូពេទ្យបានប្រឹងប្រែងជួយសង្គ្រោះបឋមនៅទីនោះ មុនពេលបញ្ជូនបន្តទៅកាន់មន្ទីរពេទ្យ។ ជនរងគ្រោះឈ្មោះ ឆាង កុយ អាយុ២៧ឆ្នាំ រស់នៅភូមិអូរត្រែង ឃុំតាតោក ស្រុកសំឡូត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកម្លាំងយោធាកម្ពុជា និងក្រុមគ្រួសារជនរងគ្រោះ ដែលមានកិច្ចសហការជាមួយកម្លាំងយោធានៃភាគីថៃ ផងបានស្វែងរកឃើញជនរងគ្រោះរូបនេះនៅរសៀលថ្ងៃទី១៩ កញ្ញា ២០១៩នេះ ខណៈជនរងគ្រោះសម្ងំ ក្បែរអូរនៅក្នុងព្រៃដែលជាតំបន់ភ្នំ។ បើយោងតាមព័ត៌មានបឋមដែលផ្ដល់ដោយកម្លាំងយោធា បានឲ្យដឹងថា ទីកន្លែងកើតហេតុនោះស្ថិតនៅក្នុងទឹកដីថៃ ឆ្ងាយពីព្រំដែនខ្មែរ ថៃ ប្រហែលជិត ១ ០០០ម៉ែត្រ។ ប៉ុន្តែយ៉ាងណា ជនរងគ្រោះម្នាក់ទៀតនូវមិនទាន់មានដំណឹងនោះទេ។
គួរបញ្ជាក់ផងដែរថា នារសៀលថ្ងៃទី១៩ កញ្ញា ទន្ទឹមនឹងការរកឃើញជនរងគ្រោះម្នាក់ដែលនៅរស់រានមានជីវិតស្ថិតនៅចំណុចស្ថិតលើទឹកដីថៃចម្ងាយជិត១គីឡូម៉ែត្រពីព្រំដែនកម្ពុជា គាត់បាននិយាយរៀបរាប់ប្រាប់ពីរឿងរ៉ាវខ្លះៗទៅដល់កម្លាំងយោធា និងក្រុមគ្រួសាររបស់គាត់។
អ្វីដែលយើងបានដឹង គឺនៅពេលកម្លាំងបានសួរដល់ការប្រទះឃើញពោះវៀនមួយថង់ច្រកថង់ ដែលសង្ស័យជាពោះវៀនមនុស្ស ត្រូវបានគាត់ឆ្លើយថា មិនមែនជាពោះវៀនមនុស្សនោះទេ៕
ប្រភព៖ កោះសន្តិភាព