ដូច អេ ភូថង ពីក្មេងណាស់!! កូនពៅ អេ ភូថង ប្រើរន្ទះជើងផ្គាប់ចាន ផ្ដួលអ៊ីរ៉ង់ ត្រឹមទឹកទី១ (មានវីដេអូ)

ភ្នំពេញ៖ ការប្រកួតប្រដាល់គុនខ្មែរ របស់ស្ថានីយ៍ទូរទស្សន៍ CNC កាលពីរសៀលថ្ងៃអាទិត្យសប្ដាហ៍មុន កូនប្រុសពៅរបស់ស្ដេចប្រដាល់ អេ ភូថង កីឡាករ អេ អាំម៉ារីនភូថង បានប្រកួតឈ្នះកីឡាករមកពីប្រទេសអ៊ីរ៉ង់ Ayat Jamal ដោយផ្ដួលកីឡាករអ៊ីរ៉ង់ឲ្យបោះបង់ការប្រកួតនៅចុងទឹកទី១។

ការប្រកួតនេះជាការប្រកួតលើកដំបូងហើយដែលកីឡាករ អេ អាំម៉ារីនភូថង ប្រកួតអន្តរជាតិក្នុងទូរទស្សន៍។ គ្រាន់តែការប្រកួតចាប់ផ្ដើមភ្លាម អេ អាំម៉ារីនភូថង បានប្រើជើងទាត់ទៅលើកីឡាករអ៊ីរ៉ង់ជាច្រើនជើង ដែលនេះជាស្ទាយ៍វ៉ៃរបស់លោកគ្រូអេ ភូថង កាលពីនៅពេញសាច់។ យ៉ាងណាមុននឹងបញ្ចប់ទឹកទី១ អាំម៉ារីនភូថង បានប្រើទាត់ផ្គាប់ចានចូលមុខរបស់កីឡាករអ៊ីរ៉ង់ ធ្វើឲ្យអ៊ីរ៉ង់វង្វេង និងត្រូវលោកអាជ្ញាកណ្ដាលបញ្ឈប់ការប្រកួតតែម្ដង៕

ចង់ឃើញថា អេ អាំម៉ារីន ប្រើរន្ទះជើងបានល្អយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖

ប្រភព៖ SportZone