ស្ត្រីមួយចំនួនពេលមិនទាន់មានកូន រូបរាងប្រាកដជាស្អាត និងទាក់ទាញ តែក្រោយមានកូនអ្វីៗក៏ផ្លាស់ប្ដូរ។ ព្រោះបែបនេះហើយបានជាម៉ាក់ៗមួយភាគធំដែលមានរាងមិនដូចដើម តែពួកគាត់ចង់បានរាងត្រឹមស្លៀកពាក់បានសមរម្យ មិនអាក្រក់មើលពេក។ ដូចនេះតើកម្ពស់ និងទម្ងន់បែបណាសមល្មមបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទាក់ទិននឹងបញ្ហានេះដែរ លោកស្រីវេជ្ជបណ្ឌិត ជា ម៉ារី ប្រធានស្ដីទីកម្មវិធីជាតិអាហារូបត្ថម្ភ នៃក្រសួងសុខាភិបាល បានថ្លែងក្នុងកម្មវិធី Vitabiotics-Education Meet 2019 ដោយលើកយក sample ងាយៗដល់ម៉ាក់ៗថា បើខ្លួនកម្ពស់ ១,៦០ ម៉ែត្រ ទម្ងន់ខ្លួនយ៉ាងច្រើនត្រឹម ៥៥ គីឡូបានហើយ៖
“នេះជាស្ដង់ដារគីឡូ និងកម្ពស់សម្រាប់ស្រ្តីទាំងឡាយគួរតែកំណត់យក ព្រោះល្អចំពោះខ្លួនយើង”។
ទោះជា ៥៥ គីឡូល្មមនឹងកម្ពស់ ១,៦០ ម៉ែត្រក៏ពិតមែន តែវេជ្ជបណ្ឌិតរូបនេះថា គួរបន្ថយយ៉ាងហោចណាស់ ៥ គីឡូទៀត ទើបរឹតតែសមសួន។ បើបន្ថយមិនបាន ក៏កុំបណ្ដោយឲ្យឡើងទៀត ព្រោះការឡើងខ្លាំងនឹងមិនងាយស្រកវិញទេ ហើយម៉ាក់ៗគួរតែមានលំហាត់ប្រាណខ្លះៗ ដើម្បីសាច់ហាប់ណែន មើលទៅមិនរយីករយាក។ តែសម្រាប់ស្រីៗស្ថិតនៅកម្ពស់ ១,៥៥ ម៉ែត្រ គួរតែកំណត់ទម្ងន់ឲ្យនៅក្រោម ឬយ៉ាងច្រើន ៥០ គីឡូ ព្រោះបើនៅលើសនោះ មើលទៅឃើញខ្លាញ់ប្រមូលផ្ដុំនៅត្រង់ពោះ ភ្លៅ ដើមដៃ ហើយស្លៀកពាក់អ្វីក៏មើលទៅមិនស្អាតដែរ។
ប្រធានស្ដីទីកម្មវិធីជាតិអាហារូបត្ថម្ភ បានណែនាំឲ្យស្ត្រីសម្រាលកូន គួរតែកុំព្រងើយកន្តើយឲ្យទម្ងន់បន្តឡើង ព្រោះមិនត្រឹមបាត់បង់សោភណភាពប៉ុណ្ណោះទេ វាក៏ធ្វើឲ្យជួបបញ្ហាសុខភាពជាច្រើនទៀតមកតាមយាយីរាងកាយ។ ដូចនេះហើយព្យាយាមសម្រកទម្ងន់ឲ្យបានរាងប្រហាក់ប្រហែលមុនមានកូន ឬបើអាចដូចដើមបានក៏ល្អដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T