បាត់មុខយូរ ខ្លឹម ស្រីគា បែកសាច់ រូបរាងទ្រលុកទ្រលន់ជាងមុន

ភ្នំពេញ៖ ប្រិយមិត្តរាល់គ្នា ច្បាស់ជាបានស្គាល់ កញ្ញា ខ្លឹម ស្រីគា ដែលជាអតីតបវរកញ្ញាឯកកម្ពុជា« Miss Grand Cambodia»២០១៧ ជាក់ជាមិនខាន។

ប៉ុន្តែ មួយរយៈចុងក្រោយនេះ​ តារាស្រីមុខមានមន្តស្នេហ៍រូបនេះ មិនសូវបានលេចមុខមាត់ក្នុងកម្មវិធីសិល្បៈប៉ុន្មានទេ ដោយត្រូវមមាញឹកជាមួយ មុខរបររកស៊ីផ្ទាល់ខ្លួនផងដែរ។ លើសពីនេះ ខ្លឹម ស្រីគា ធ្វើឲ្យហ្វេនៗមានការហួសចិត្តជាខ្លាំង អំពីរូបសម្ផស្ស ដ៏ប្រែប្រួសខុសឆ្ងាយរបស់នាង។

ជាក់ស្ដែង បើយោងតាមរូបភាព ជាច្រើនសន្លឹកដែលតារារូបនេះ បានបង្ហោះក្នុងគណនីហ្វេសប៊ុកផ្ទាល់ខ្លួន​ បានបញ្ជាក់ឲ្យឃើញយ៉ាងច្បាស់ នូវរូបរាងដ៏ធាត់ទ្រលុកទ្រលន់ មានក្បាលពោះធំ សាច់ម៉ាប់ៗ ខុសឆ្ងាយពី ពេលនាងទើបចូល សិល្បៈដំបូងៗខ្លាំងណាស់។

ប៉ុន្តែ យ៉ាងណាមិញ ខ្លឹម ស្រីគា នូវតែមានទម្រង់មុខមាត់ អំណោយទាន ស្រស់ប្រិយប្រិម ជាទីចាប់អារម្មណ៍ ពីហ្វេនៗដដែល៕

ចង់ជ្រាបច្បាស់ ទស្សនារូបភាពខាងក្រោម៖