ធ្ងន់ណាស់មួយកែងគាស់នេះ!! ព្រំ សំណាង វាយជើងខ្លាំងប្រេស៊ីល ឲ្យសន្លប់ធំក្នុងទឹកទី២ (មានវីដេអូ)

ភ្នំពេញ៖ ការប្រកួតប្រដាល់គុនខ្មែរ របស់ស្ថានីយ៍ទូរទស្សន៍ CNC កាលពីល្ងាចថ្ងៃសៅរ៍កន្លងទៅ សិស្សគុនគីឡូធ្ងន់មកពីក្លិបឆ័ត្រយោង ៩១១ កីឡាករ ព្រំ សំណាង បានប្រកួតឈ្នះកីឡាករជើងខ្លាំងឆ្លងដែនមកពីអាមេរិកខាងត្បូង ប្រទេសប្រេស៊ីល កីឡាករ PEREIRA ដោយផ្ដួលឲ្យសន្លប់នៅក្នុងទឹកទី២។

ការប្រកួតនៅក្នុងទឹកចាប់ផ្ដើមទឹកទី១ កីឡាករទាំងពីរមិនបានចេញអាវុធ និងក្បាច់អ្វីគួរឲ្យកត់សម្គាល់នោះទេ ប៉ុន្តែក្រោយចប់ទឺកទី១ ចូលទឹកទី២ភ្លាម ព្រំ សំណាង បានព្យាយាមសម្រុកខ្លាំងៗ រហូតបានប្រើកែងគាស់វាយទៅលើកីឡាករប្រេស៊ីល PEREIRA ឲ្យសន្លប់ និងបោះបង់ចោលការប្រកួតតែម្ដង៕

ចង់ឃើញថា ព្រំ សំណាង ប្រើកែងបានល្អយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖

ប្រភព៖ SportZone