ភ្នំពេញ៖ មកទល់នឹងពេលនេះ ម្តាយរបស់តារាសម្តែងប្រុសលោកអ៊ុន សុធា បានចែកឋានទៅអស់ពេលជាច្រើនខែហើយ ពេលនេះដែរ កូនប្រុសដ៏ល្អរូបនេះ បានធ្វើពិធីបុណ្យគម្រប់១០០ថ្ងៃជូនម្តាយរបស់ខ្លួន កាលពីម្សិលមិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមរយៈកម្មវិធីបុណ្យមួយនេះ ឃើញថាក៏មានមិត្តសិល្បៈរបស់លោកមួយចំនួន បាននាំគ្នាទៅចូលរួមផ្តល់កម្លាំងចិត្ត និងរំលែកទុក្ខទៅកាន់លោក ដែលមិនទាន់កាត់ចិត្តបានពីម្តាយដែលបានស្លាប់ចោលអស់ពេលប៉ុន្មានខែមកនេះ។
ជាមួយគ្នានេះដែរ ឃើញថានៅក្នុងកម្មវិធី បានធ្វើឡើងយ៉ាងអធិកអធម សិល្បៈករមួយចំនួនបានចូលរួម ដោយក្តីក្រៀមក្រំ ស្លៀកពាក់ឈុតស ដើម្បីកាន់ទុក្ខដល់គ្រួសារលោក មិនត្រឹមតែប៉ុណ្ណោះនៅក្នុងថ្ងៃនោះ លោកក៏បានបូករួមជាមួយពិធីឆ្លងចេតិយ បន្ថែមនៅក្នុងនោះផងដែរ។
ទោះជាយ៉ាងណាក្តី មកទល់នឹងពេលនេះអ្នកគាំទ្រជាច្រ់ននៅតែលើកទឹកចិត្តដល់លោក ដែលទើបតែបាត់បង់ម្តាយ ធ្លាប់រស់នៅមើលថែ មានអនុស្សាវរីយ៍ជាមួយគ្នាជាច្រើនសឹងមិនអាចបំភ្លេចបាន៕
សូមទស្សនារូបភាពខាងក្រោមនេះ៖