អេស្ប៉ាញ៖ ក្លិបអ្នកមានបុណ្យ Barcelona បានបដិសេធក្នុងការនាំចូលខ្សែបម្រើជម្រើសជាតិបារាំងរបស់ក្រុម Manchester United កីឡាករ​ Paul Pogba សម្រាប់ទីផ្សារដោះដូរកីឡាកររដូវក្ដៅដែលទើបតែកន្លងផុតទៅ ខណៈដៃគូប្រជែងក្នុងក្របខណ្ឌ La Liga ក្លិប Real Madrid ចង់បានកីឡាកររូបនេះយ៉ាងខ្លាំង។

បើតាមប្រភពពីសារព័ត៌មាន Don Balon បានឲ្យដឹងថា Pogba បានសន្ទនាគ្នាជាមួយ Messi ដោយរូបគេចាប់អារម្មណ៍ក្នុងការមកចូលរួមជាមួយក្លិបមានមូលដ្ឋាននៅតំបន់កាតាឡាន់ Barcelona។ រឿងនេះកើតឡើងក្រោយពេលដែល Real Madrid បានបរាជ័យក្នុងការនាំយករូបគេទៅកាន់ទឹកដីអេស្ប៉ាញ ខណៈរូបគេហាក់មានចេតនាក្នុងការចាកចេញពីកីឡដ្ឋាន Old Trafford របស់ Man UTD ដើម្បីស្វែងរកការប្រកួតប្រជែងថ្មី។

Pogba និង Messi

យ៉ាងណា បើតាមភ្នាក់ងារសារព័ត៌មានកីឡារបស់ប្រទេសអេស្ប៉ាញបានរាយការណ៍មកថា Barcelona មិនបានចាប់អារម្មណ៍ទៅលើខ្សែបម្រើដែលជួយឲ្យបារាំងឈ្នះពាន FIFA World Cup 2018 នោះទេ ដោយម្ចាស់ជើងឯក La Liga រដូវកាលមុនមួយនេះចង់នាំចូល Mbappe និង Neymar ទៅវិញទេ។ និយាយឲ្យងាយយល់គឺ Barcelona ចង់បានខ្សែប្រយុទ្ធ មិនមែនខ្សែបម្រើនោះទេ ដែលនេះជាមូលហេតុដែលលោក Ernesto Valverde មិនបានដាក់ការចង់បាន Pogba មកកាន់កីឡដ្ឋាន Camp Nou។

Pogba

គួរបញ្ជាក់ផងដែរថា Pogba គឺជាប្រធានបទក្ដៅសម្រាប់ទីផ្សារដោះដូរកីឡាកររដូវក្ដៅដែលទើបតែកន្លងផុតទៅ ដោយមានព័ត៌មានជាច្រើនលេចឭមកថា ខ្សែបម្រើវ័យ ២៦ឆ្នាំរូបនេះអាចនឹងចាកចេញពីបិសាចក្រហម ប៉ុន្តែរហូតមកដល់ទីផ្សារដោះដូរកីឡាករបានបិទបញ្ចប់ Pogba នៅតែបន្តលេងឲ្យ Man UTD ដដែល៕

ប្រភព​​​៖ FoxSportsAsia

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]