ច្រណែនអត់? Hailey បង្ហោះរូបយ៉ាងស្វីតកប់គម្រប់ខួប១ឆ្នាំ ក្លាយជាប្រពន្ធ Justin!

អាមេរិក៖ កាលពីព្រឹកព្រលឹមថ្ងៃទី១៣ ខែកញ្ញាម្សិលមិញនេះ តារាម៉ូដែលវ័យក្មេងល្បីឈ្មោះ Hailey Baldwin បានបង្ហោះនូវរូបថតពោរពេញទៅដោយភាពផ្អែមល្ហែម យ៉ាងជ្រាលជ្រៅជាច្រើនសន្លឹក នៅលើ IG Story ផ្ទាល់ខ្លួនជាមួយនឹងស្វាមីទីជាស្រលាញ់របស់នាង ​គឺតារាចម្រៀងប្រុសលំដាប់ពិភពលោក Justin Bieber ។

តួយ៉ាង នៅលើការបង្ហោះនោះផងដែរ Hailey បានភ្ជាប់មកនូវជាមួយអត្ថន័យយ៉ាងផ្អែមល្ហែម ដោយបានសរសេរថា៖

តួយ៉ាងតាមរយៈអត្ថន័យ ក៏ដូចជារូបថតដ៏គួរឲ្យស្រលាញ់ទាំងនេះ បានធ្វើអ្នកគាំទ្រចងចាំថា តាមពិតទៅនៅថ្ងៃនេះ គឺជាថ្ងៃគម្រប់ខួបនៃការរៀបអាពិពាហ៍ពិពាហ៍ បានរយៈពេល១ឆ្នាំរបស់ តារាហូលីវូដវ័យក្មេងទាំងពីរដួងនេះសោះ។ បន្ថែមពីនេះ ក្រោយពីឃើញបែបនេះ ក៏មានអ្នកគាំទ្រជាច្រើនក៏បានធ្វើការស៊ែរ និងផ្ញើសារជូនពរចំពោះស្នេហារបស់ Idol មួយគូនេះផងដែរ។

គួររម្លឹកផងដែរថា នៅថ្ងៃនេះកាលពីមួយឆ្នាំមុន គេបានប្រទះឃើញ Justin Bieber និង Hailey Baldwin បានដឹកដៃគ្នាដើរចូលទីស្នាក់ការក្នុងរដ្ឋកាលីហ័្វរញ៉ា សហរដ្ឋអាមេរិក ដើម្បីចុះសំបុត្រអាពាហ៍ពិពាហ៍ជាផ្លូវការរបស់ពួកគេ។

ហើយក្នុងនោះ ក៏មានសាក្សីជាច្រើន បានអះអាងថា ពួកគេបានឃើញ Justin ស្រែកយំទៅកាន់ Hailey ដោយក្តីរំភើបចិត្តសប្បាយរីករាយ នៅក្នុងទីស្នាក់ការនោះ បន្ទាប់ពីពួកគេបានចុះសំបុត្រអាពាហ៍ពិពាហ៍យ៉ាងរួចរាល់ជាផ្លូវការ ថែមទៀងផងដែរ៕