កម្ពុជា៖ មានភាពភ្ញាក់ផ្អើលជាច្រើនពីសំណាក់អ្នកគាំទ្រ ដែលគ្រូបង្វឹកក្រុមជម្រើសជាតិកម្ពុជាលោក Felix បានផ្ដល់ឱកាសឲ្យខ្សែប្រយុទ្ធវ័យក្មេង សៀង ចន្ធា ក្នុងការបង្ហាញខ្លួនជម្រើស ១១នាក់ដំបូងឲ្យក្រុមធំជាលើកដំបូង ក្នុងការប្រកួតជាមួយបារ៉ែន កាលពីថ្ងៃអង្គារ៍កន្លងទៅ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមានអ្នកគាំទ្រជាច្រើនគិតថាដោយសារតែប្រញាប់ចេញទៅហ្វឹកហាត់នៅជប៉ុនទើបលោក Felix ដាក់ចន្ធាឲ្យលេងជម្រើសដំបូង។ យ៉ាងណាគ្រូបង្វឹកសញ្ជាតិអាហ្សង់ទីនបានប្រកែកចំពោះមូលហេតុនេះ ដោយលោកបានពន្យល់វិញថា ហេតុផលដែលដាក់ចន្ធា ឲ្យលេងជម្រើសដំបូងគឺដោយសារតែគេខិតខំ និងយកចិត្តទុកដាក់ខ្លាំងទៅលើការហ្វឹកហាត់ រួមជាមួយការបង្ហាញទម្រង់លេងបានល្អកាលពីប្រកួតពេលប៉ះជាមួយហុងកុងផងដែរ។
បន្ថែមលើសពីនេះលោក Felix ក៏បានប្រាប់កាន់អ្នកគាំទ្រឲ្យអត់ធ្មត់ចំពោះការដាក់ សៀង ចន្ធា ឲ្យលេងជម្រើសដំបូងក្នុងក្រុមជម្រើសជាតិ ដោយសារតែគេមានអាយុនៅក្មេងនៅឡើយ៕