បារាំង៖ Paris Saint-Germain ត្រូវបានគេរាយការណ៍មកថាបានកំពុងតែចាប់អារម្មណ៍ក្នុងការនាំយកខ្សែប្រយុទ្ធរបស់ Juventus កីឡាករ Paulo Dybala សម្រាប់ទីផ្សារខែមករា ឆ្នាំ២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែប្រយុទ្ធវ័យ ២៥ឆ្នាំDybala មានព័ត៌មានជាច្រើនបានចុះផ្សាយថាគេអាចនឹងចាកចេញពីសេះបង្កង់ Juventus អំឡុងទីផ្សារដោះដូរកីឡាកររដូវក្ដៅ ខណៈ PSG, Man UTD និង Spurs សុទ្ធតែត្រូវបានគេដឹងថាចង់បានខ្សែប្រយុទ្ធជម្រើសជាតិអាហ្សង់ទីនរូបនះ។
បិសាចក្រហម Manchester United ជឿថានឹងអាចនាំយក Dybala បានសម្រាប់ទីផ្សារដោះដូរកីឡាករខែមករាខាងមុខ ដើម្បីពង្រឹងតំបន់ប្រយុទ្ធរបស់ក្រុម បន្ទាប់ពីខកខាននាំយករូបគេក្នុងទីផ្សារដោះដូររដូវក្ដៅ។
យ៉ាងណាមិញប្រភពពី Tuttosport ក្លិប PSG ក៏ចង់បានខ្សែប្រយុទ្ធមកពីទ្វីបអាមេរិកខាងត្បូងរូបនេះផងដែរ ខណៈអ្នកចាត់ការទូទៅលោក Thomas Tuchel កំពុងតែចង់បងើ្កនគុណភាពប្រយុទ្ធរបស់ក្រុមខ្លួន បើទោះបីជាទើបតែខ្ចីជើង Mauro Icardi ពី Inter Milan នៅថ្ងៃចុងក្រោយនៃទីផ្សាររដូវក្ដៅក្ដី។
គួរឲ្យដឹងដែថា ២ប្រកួតចាប់ផ្ដើមរដូវកាលថ្មីក្នុងក្របខណ្ឌ Serie A ក្រោមការដឹកនាំរបស់លោក Maurizio Sarri ខ្សែប្រយុទ្ធមុខស្រស់ Dybala ចូលលេងបានត្រឹមតែ ១៤នាទីប៉ុណ្ណោះ ដោយផ្ដួរចូលក្នុងនាមជាកីឡាករបម្រុងថែមទៀត៕
ប្រភព៖ SportsMole