ឪពុកល្អ! លំបាកយ៉ាងណាក៏នាយ ហុងដា តស៊ូចិញ្ចឹមកូនស្រីបានធំធាត់ និងមានមុខមាត់គួរឲ្យស្រលាញ់ណាស់

ភ្នំពេញ៖ ជឿជាក់ថា ​ប្រិយមិត្តប្រាកដជាបានស្គាល់ នាយ​ ហុងដា ដែលជាតារាកំប្លែងដ៏មានប្រជាប្រិយភាពមួយរូប និងបានធ្វើឲ្យអ្នករាល់គ្នា មានចិត្តអាណិតអាសូរគ្រប់គ្នា បន្ទាប់ពីបានដឹងពីរឿងរ៉ាវខ្សែជីវិត ដ៏កម្សត់របស់លោក។

គួរបញ្ជាក់ថា នាយ ហុងដា ត្រូវបានគេចាត់ទុកជា លោកប៉ាដ៏គំរូមួយរូប ដោយត្រូវដើរតួជាម្ដាយផង និងឪពុកផង មើលថែទាំកូនស្រី បានយ៉ាងល្អ បន្ទាប់ពីភរិយា បានលាចាកលោក កាលពីប៉ុន្មានឆ្នាំមុននេះ។

ជាពិសេស គេឃើញថា តារាកំប្លែងរូបនេះ ខិតខំស្វះស្វែងបំពេញ ការងារខ្លាំងណាស់ ដើម្បីយកប្រាក់កម្រៃមកជួយ សម្រាលជីវភាពគ្រួសារ និងផ្គត់ផ្គង់ដល់កូនស្រី ជាទីស្រលាញ់ផងដែរ ។

ក្នុងនោះដែរ កូនស្រីរបស់នាយ​ហុងដា កាន់តែមានវ័យធំធាត់ទៅមុខ ថែមទាំងមានមុខមាត់ស្រស់ស្អាត ប្រកបដោយស្នាមញញឹមគួរឲ្យខ្នាញ់ ធ្វើឲ្យទស្សនិកជនឃើញហើយ លួចសរសើរគ្រប់គ្នាតែម្ដង ហើយសង្ឃឹមថា កូនស្រីរបស់តារាកំប្លែងរូបនេះ នឹងដើរតាមគន្លងសិល្បៈ ដូចឪពុកទៀតផង៕

ចង់ជ្រាបច្បាស់ ទស្សនារូបភាពខាងក្រោម៖​