ភ្នំពេញ៖ ចំពោះប្រិយមិត្តដែលនិយមគាំទ្រសិល្បៈខ្មែរកាលពីជាង១០ឆ្នាំមុន ប្រាកដជាធ្លាប់បានស្គាល់នូវ តារាសម្តែងប្រុស ណូ ជ័យរិទ្ធី ដែលលោកតែងតែលេចមុខ នៅលើMVបទចម្រៀងល្បី ក៏ដូចជាខ្សែភាពយន្តភាគខ្មែរជាច្រើនផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក មិនថាយ៉ាងណា ក្រោយពីបាត់មុខបាត់មាត់អស់រយៈពេលជាច្រើនឆ្នាំមក ស្រាប់តែមួយរយៈចុងក្រោយនេះ បានលេចឮដំណឹងថា តារាសម្តែងប្រុសរូបនេះ បានធ្លាក់ខ្លួនឈឺជាទម្ងន់ ដោយសារតែជំងឺទឹកនោមផ្អែម និងឡើងជាតិអាស៊ីត ក្នុងសភាពយ៉ាងធ្ងន់ធ្ងរបំផុតគួរឲ្យកត់សម្គាល់។
មិនតែប៉ុណ្ណោះ យោងតាមរយៈការបង្ហោះកាលពីថ្មីៗនេះរបស់លោក ហេង ឡុង ដែលជាប្រធានសមាគមន៍ជួយសិល្បៈខ្មែរ បានឲ្យដឹងពីស្ថានភាពជំងីរបស់លោក ណូ ជ័យរិទ្ធី ដែលបច្ចុប្បន្ននេះ អាការៈជំងឺរបស់លោក កាន់តែមានភាពធ្ងន់ធ្ងរស្គមស្គាំង និងជាពិសេសគឺ មន្ទីរពេទ្យនៅក្នុងស្រុកខ្មែរនៅពេលនេះគឺលែងទទួលលោកហើយ។
តួយ៉ាង ទាំងនេះពិតជាជារឿងក៏គួរឲ្យក្តុកក្តួល និងសោកស្តាយបំផុត ដែលតារាសម្តែងដ៏មានសមត្ថភាពដូចជាលោក ណូ ជ័យរិទ្ធី ត្រូវមកជួបនឹងជំងឺដ៏កាចសាហាវមួយនេះ។ ហើយប្រិយមិត្តអ្នកគាំទ្ររបស់លោកជាច្រើន ក៏បានធ្វើការជូនពរដល់លោក ឲ្យឆាប់ធូរស្បើយពីជំងឺ និងគេចផុតពីគ្រោះភ័យទាំងឡាយផងដែរ៕