ភ្នំពេញ៖ ក្រុមហ៊ុន ជីប ម៉ុង បានបង្កើនទឹកប្រាក់រហូតដល់ ៥០ ម៉ឺនដុល្លារសហរដ្ឋអាមេរិក ដើម្បីបរិច្ចាគជូនមូលនិធិគន្ធបុប្ជាកម្ពុជា ដើម្បីចូលរួមចំណែកជាមួយរាជរដ្ឋាភិបាលធានាដល់និរន្តរភាពនៃប្រតិបត្តិការរបស់មន្ទីរពេទ្យគន្ធបុប្ផា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាបរធនបាលនៃមូលនិធិគន្ធបុប្ផាកម្ពុជាបានមានប្រសាសន៍កោតសរសើរចំពោះកាយវិការដ៏គួរឱ្យគោរពរបស់ក្រុមហ៊ុន និងការធ្វើជាគំរូក្នុងការចូលរួមចំណែកជាមួយរដ្ឋាភិបាលក្នុងមូលនិធិគន្ធបុប្ផាកម្ពុជា ក្នុងការទ្រទ្រង់កិច្ចដំណើរការរបស់មន្ទីរពេទ្យគន្ធបុប្ផាទាំងប្រាំទីតាំងនៅរាជធានីភ្នំពេញ និងខេត្តសៀមរាប។
កន្លងមកក្រុមហ៊ុន ជីប ម៉ុង ក៏ធ្លាប់បានបរិច្ចាគថវិការចំនួន ១០ ម៉ឺនដុល្លារសហរដ្ឋអាមេរិក ជូនមូលនិធិគន្ធបុប្ជាកម្ពុជាផងដែរ។ ដោយឡែកនៅឆ្នាំនេះក្រុមហ៊ុន ជីប ម៉ុង បានបង្កើនទំហំទឹកប្រាក់រហូតដល់ ៥០ ម៉ឺនដុល្លារសហរដ្ឋអាមេរិកសម្រាប់មូលនិធិនេះ។
ក្រៅពីការបរិច្ចាគថវិកាចំនួន ៥០ ម៉ឺនដុល្លារ ក្នុងឆ្នាំ២០១៩ នេះ ក្រុមហ៊ុន ខ្មែរ ប៊ែវើរីជីស ដែលជាពាណិជ្ជកម្មមួយរបស់ក្រុមហ៊ុន ជីប ម៉ុង ក៏បានឧបត្ថម្ភទឹកសុទ្ធកម្ពុជាជូនដល់មន្ទីរពេទ្យគន្ធបុប្ផាក្នុងរាជធានីភ្នំពេញ និងខេត្តសៀមរាប ដើម្បីលើកកម្ពស់សុកមាលភាពរបស់មាតា និងទារកផងដែរ៕