បរទេស៖ កីឡាករ Alexis Sanchez របស់ក្រុមបិសាចក្រហមនិយាយថា ខ្លួននិងមិត្តរួមក្រុមនៅ Old Trafford កីឡាករ Romelu Lukaku គឺល្អគ្រប់គ្រាន់ក្នុងការយកឈ្នះ Barcelona ជាមួយ Inter Milan នៅឆ្នាំនេះដោយសារពួកគេមានភាពឯកភាពគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងបទសម្ភាសន៍ជាមួយទូរទស្សន៍អន្ដរជាតិ ខ្សែប្រយុទ្ធរូបនេះ បាននិយាយអំពីមហិច្ឆតារបស់ខ្លួនជាមួយក្លឹបថ្មីថា៖
"ខ្ញុំពិតជាចង់ឈ្នះ ខ្ញុំចង់ឈ្នះអ្វីមួយជាមួយ Inter" ។
Sanchez ត្រូវបានគេសួរអំពីទស្សនវិស័យនៃការលេងទល់ជាមួយអតីតក្រុម Barcelona របស់ខ្លួនបន្ទាប់ពីក្រុម Inter ត្រូវបានគូរផ្គងអោយជួបគ្នាជាមួយ Barcelona នៅក្នុងវគ្គចែកពូលនៃក្របខ័ណ្ឌ Champions League ។
កីឡាករវ័យ ៣០ ឆ្នាំនេះបាននិយាយថា៖
"វានឹងក្លាយជាឱកាសពិសេសមួយសម្រាប់ខ្ញុំ ខ្ញុំធ្លាប់បានឈ្នះច្រើននៅទីនោះ។ វានឹងក្លាយជាការប្រកួតដ៏លំបាកមួយប៉ុន្តែយើងមានទំនុកចិត្តយើងអាចឈ្នះ។ យើងមានកីឡាករដើម្បីផ្តួល Barca" ៕
ប្រភព៖ Dailymail
Bong I.T