តិចច្រឡំតារា Kpop អីទៅ! អ្នកទាំងនេះគ្រាន់តែជាអង្គរក្សរបស់តារាៗទេ តែកុំមើលសម្រស់ ស្ទើរឆក់បេះដូងហ្វេនៗទៅហើយ!

កូរ៉េខាងត្បូង៖ នៅក្នុងពិភព Kpop សម្រស់គឺជាទីចាប់អារម្មណ៍បំផុតសម្រាប់មហាជន ដូច្នេះហើយបើទោះជាអ្នកធ្វើការងារអ្វីក៏ដោយ ក៏អ្នកនៅតែទទួលការចាប់អារម្មណ៍ពីសំណាក់មហាជនដែរ បើសិនជាអ្នកមានសម្រស់ស្រស់ស្អាត និងសង្ហានោះ។

យ៉ាងណាមិញ ថ្ងៃនេះសូមនាំអារម្មណ៍ប្រិយមិត្តមកស្គាល់មុខអង្គរក្សរបស់តារា Kpop មួយចំនួន ដែលពួកគេមានសម្រស់ទាក់ទាញខ្លាំង ស្ទើរតែធ្វើឲ្យអ្នកគាំទ្រមួយចំនួនគិតថា ពួកគេជាតារាទៅហើយ។ ម៉្យាងវិញទៀត ដោយសារតែសម្រស់របស់អង្គរក្សទាំងនោះស្អាតពេក ដល់ថ្នាក់អ្នកគាំទ្រមួយចំនួន សុំពួកគេថតជាមួយថែមទៀតផង។

កុំឲ្យខាតពេលយូរ ចង់ដឹងថាអង្គរក្សរបស់តារា Kpop មានសម្រស់បែបណានោះ តោះតាមដានខាងក្រោម៖

១. អង្គរក្សរបស់ TWICE

អង្គរក្សរបស់ក្រុម TWICE ជាមនុស្សស្រីទេ តែពួកគេមើលទៅពិតជាស្វាហាប់ និងមានរូបរាងទាក់ទាញខ្លាំង។

២. អង្គរក្សរបស់ BTS និង TXT

បន្ទាប់ពីចាប់អារម្មណ៍លើសម្រស់របស់សមាជិកក្រុម BTS អ្នកគាំទ្របានចាប់អារម្មណ៍លើអង្គរក្សរូបសង្ហារបស់ក្រុមនេះ ព្រោះថាកម្លោះអង្គរក្សទាំងនោះ ពិតជាសង្ហាមិនធម្មតានោះទេ។

៣. អង្គរក្សរបស់ Taeyeon

ដោយសារតែសម្រស់របស់អង្គរក្សរូបនេះស្អាត រូបលោកក៏មានអ្នកគាំទ្រមិនតិចនោះដែរនៅលើបណ្តាញសង្គម។ បើផ្អែកតាមសម្តីអ្នកគាំទ្រ សម្រស់ត្រឹមរូបលោកក៏អាចធ្វើជាតារាសម្តែងម្នាក់ដែរ។

៤. អង្គរក្សរបស់ CNBLUE និង FTISLAND

បើមិនប្រាប់ទេនោះ គ្រប់គ្នាច្បាស់ជាគិតថាកំលោះម្នាក់នេះ គឺជាតារាម្នាក់ មិនមែនជាអង្គរក្សនោះទេ។ ព្រោះមើលតាមកម្ពស់ រូបរាង គឺច្បាស់ណាស់រូបលោកពិតជាស័ក្តិសមធ្វើជាតារានឹងគេដែរ៕