កូរ៉េខាងត្បូង៖ កាលពីថ្មីៗនេះ នៅលើបណ្តាញសង្គម មានភាពវឹកវរខ្លាំងមែនទែន នៅពេលដែលអ្នកគាំទ្រក្រុម BLACKPINK បាននាំគ្នាស្តីបន្ទោសឲ្យផលិតកម្ម YG Entertainment ដែលទុកសមាជិកម្នាក់ក្នុងក្រុម BLACKPINK គឺនាង Rosé ឲ្យនៅទំនេរចោល សូម្បីតែបទចម្រៀងទោល ក៏ផលិតកម្មមិនបញ្ចេញឲ្យនាងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក៏ប៉ុន្តែទន្ទឹមនឹងភាពវឹកវរនេះ ស្រាប់តែនាង Rosé បានធ្វើការ Live វីដេអូចេញពីគណនី IG របស់ខ្លួន ដោយរូបនាងបានបង្ហើបរឿងមួយទាក់ទងនឹងចម្រៀងទោលរបស់នាង ដែលធ្វើឲ្យអ្នកគាំទ្រភ្ញាក់ផ្អើល និងរំភើបចិត្តខ្លាំងមែនទែន។
ក្នុងនោះដែរ នាង Rosé បាននិយាយបែបនេះថា៖
“ខ្ញុំដឹងថាអ្នកទាំងអស់គ្នាកំពុងតែឆ្ងល់ថា តើខ្ញុំបានចំណាយពេលប៉ុណ្ណាដើម្បីរៀបចំបទទោលរបស់ខ្ញុំ។ ហើយខ្ញុំពិតជាសប្បាយចិត្តដែលអ្នកទាំងអស់គ្នា ខ្វល់មកខ្ញុំបែបនេះ។ ខ្ញុំកំពុងតែធ្វើការជាមួយបទចម្រៀងនេះគ្រប់ពេលវេលា”។
នាងបានបន្តទៀតថា៖
“សំនួរពីអ្នកគាំទ្រតែងតែសួរថា តើពេលណាបទទោលនេះចេញ។ ខ្ញុំមិនអាចនិយាយបាននៅឡើយទេ។ ខ្ញុំមិនដឹងថាអ្នកទាំងអស់គ្នាយល់ពីខ្ញុំច្បាស់យ៉ាងម៉េចទេ ប៉ុន្តែគ្រប់យ៉ាងគឺខ្ញុំចង់ឲ្យវាល្អឥតខ្ចោះ។ ខ្ញុំពិតជាម៉ដ្ឋចត់នឹងការងារនេះខ្លាំង ព្រោះវាពិតជាមានន័យបំផុតសម្រាប់ខ្ញុំ ហើយខ្ញុំដឹងថាអ្នកទាំងអស់គ្នានឹងគោរពនូវអ្វីដែលខ្ញុំធ្វើ។ ខ្ញុំដឹងថាវាចំណាយពេលយូរ ប៉ុន្តែសូមអ្នកទាំងអស់គ្នាជឿជាក់លើខ្ញុំចុះ”។
ទោះជាយ៉ាងណាក្តី ទាំងនេះបានធ្វើឲ្យអ្នកគាំទ្រនាំគ្នាគិតថា នាង Rosé កំពុងតែការពារផលិតកម្ម ពីការរិះគន់របស់អ្នកគាំទ្រដែលព្យាយាម ដាក់បន្ទុកទៅលើផលិតកម្ម។ ម៉្យាងវិញទៀត អ្នកគាំទ្រជាច្រើន បានសម្តែងក្តីរំភើប និងរំពឹងថា បទថ្មីរបស់ Rosé នឹងចេញក្នុងពេលឆាប់ៗដ៏ខ្លីខាងមុខនេះ៕
តើប្រិយមិត្តយល់យ៉ាងណាដែរ?
ចង់ជ្រាបច្បាស់ទស្សនាវីដេអូខាងក្រោម៖
Bong I.T