ឡាក់គីបឺរហ្គឺរ បើកសម្ពោធហាងថ្មី សាខាផ្សារទំនើប​មីតថោនម៉ល

ភ្នំពេញ៖  កាលពីថ្ងៃសៅរ៍ ទី ៣១ ខែ សីហា ឆ្នាំ២០១៩  ក្រុមហ៊ុន រៀលហ៊្វូដ​​ និង​ប៊េវើរីច ដែលជាម្ចាស់ភោជនីយដ្ឋាន​បំរើសេវាកម្មអាហាររហ័ស Quick Service Restaurant ដំបូងគេបង្អស់នៅក្នុងប្រទេសកម្ពុជា ដែលអ្នកទាំងអស់គ្នាធ្លាប់ស្គាល់ថា «ឡាក់គីបឺរហ្គឺរ» ថ្មីៗនេះបានធ្វើការបើកសម្ពោ​ធហាងថ្មីនៅ ផ្សារទំនើប មីតថោនម៉ល (Midtown Mall) ដែលមានទីតាំងនៅ ផ្លូវ ២០០៤ កែងផ្លូវ ១៣B សង្កាត់ទឹកថ្លា ខណ្ឌសែនសុខ រាជធានីភ្នំពេញ។ 

នៅក្នុងឱកាសបើកសម្ពោធហាងថ្មីនេះដែរ ឡាក់គីបឺរហ្គឺរ មានការផ្តល់ជូននូវកម្មវិធីពិសេសៗជាច្រើនទៅដល់អតិថិជនរបស់ខ្លួន ដោយការញុំាបឺរហ្គឺរឥតគិតថ្លៃចំពោះអតិថិជន ៥០នាក់ដំបូង ហើយអតិថិជន ៥០នាក់បន្ទាប់ទៀត គ្រាន់តែចំណាយ ១.៩៩ ដុល្លារ ប៉ុណ្ណោះ ក៏ទទួលបាននូវអាហារ​ ១ឈុត​ភ្លាមៗផងដែរ។​ បន្ថែមពីនេះទៅទៀត រាល់អតិថិជនទាំងអស់ដែលចំណាយចាប់ពី ៥ ដុល្លារឡើងទៅ សុទ្ធតែទទួលបានថង់សំណាង ដែលមានរង្វាន់ទាំងអស់ រហូតដល់ ៥០០រង្វាន់។

ហើយអ្វីដែលកាន់តែពិសេសអស្ចារ្យជាងនេះទៅ​ទៀតនោះគឺ ការប្រកួតញុំាបឺរហ្គឺរ និងកូកាកូឡា រយៈពេល៣ថ្ងៃ ចាប់ពីថ្ងៃទី៣១ សីហា ដល់ថ្ងៃទី០២ កញ្ញា ២០១៩។​ 

គួរបញ្ជាក់ថា ជ័យលាភីទី១ នឹងទទួលបានទឹកប្រាក់ចំនួន ៤០០ ដុល្លារ ជ័យលាភីទី២ទទួលបានទឹកប្រាក់ចំនួន ២០០ ដុល្លារ​​ និងជ័យលាភីទី៣ទទួលបានទឹកប្រាក់ចំនួន ១០០ ដុល្លារ។ ការប្រកួតនេះប្រព្រឹត្តទៅដោយភាពរីករាយ និងមានអ្នកចូលរួមលេងយ៉ាងច្រើនក្រៃលែង។​