លែងលះមិនទាន់ប៉ុន្មានផង ប្រទះឃើញ Song Joong Ki ជប់លៀងញុំាសុទ្ធតែBBQ ថតរូបជាមួយនារីប្លែកមុខទៀត!

កូរ៉េខាងត្បូង៖ នៅថ្ងៃនេះ រូបថតដ៏កម្ររបស់តារាសម្តែងប្រុស Song Joong Ki បង្ហាញខ្លួនជាលើកដំបូងក្រោយពេលលែងលះជាមួយនឹងកំពូលតារាសម្តែងស្រី Song Hye Kyo កំពុងតែក្លាយជាប្រធាមបទយ៉ាងក្តៅគគុក និងត្រូវបានចែកចាយពេញបណ្តាញទំនាក់ទំនងសង្គមចិន និងកូរ៉េ។

គួរឲ្យដឹងថា រូបថតទាំងនេះត្រូវបានគេប្រទះឃើញ Song Joong Ki បានធ្វើពិធីអបអរជប់លៀង ជាមួយនឹងមិត្តភក្តិរបស់លោក នៅឯភោជនីយ៍ដ្ឋានសាច់អាំង BBQ មួយកន្លែង ហើយគេសង្កេតឃើញថា តារាប្រុសរូបនេះថែមទាំងបានស្រែកអបអរយ៉ាងសប្បាយរីករាយ ថែមទៀតផង។

មិនតែប៉ុណ្ណោះទៅទៀត តារាប្រុសទើបតែលែងលះភរិយាក្តៅៗរូបនេះ ថែមទាំងបានថតរូបស៊ែលហ្វីជាមួយនឹងនារីប្លែកមុខម្នាក់ទៀតផង ប៉ុន្តែទោះជាយ៉ាងណា អ្នកនិយមលេងអ៊ីនធឺណែតជាច្រើន សង្ស័យថានារីប្លែកមុខរូបនេះ អាចត្រឹមតែជាអ្នកគាំទ្រធម្មតាៗ សុំថតរូបជាមួយលោកក៏ថាបានដែរ។

ដោយឡែក មិនថាយ៉ាងណា ក្រោយពេលលែងលះ គេចាប់អារម្មណ៍ឃើញថា Song Joong Ki និង Song Hye Kyo មានស្ថានភាពខុសគ្នាយ៉ាងដាច់ស្រលះ ពោលគឺSong Hye Kyo បានដើរផ្សារលំហែរកាយយ៉ាងស្ងប់ស្ងាត់ ចំណែកឯSong Joong Ki ជប់លៀងញុំាសាច់អាំងយ៉ាងរីករាយ ដែលសកម្មភាពរបស់អ្នកទាំងពីរ ធ្វើឲ្យមហាជនមិនលើកយកមកនិយាយមិនបាន៕