ចិន៖ និស្សិតម្នាក់រស់នៅក្នុងទីក្រុងឆាងចូវ ខេត្តជាំងស៊ូ ត្រូវបាក់ឆ្អឹង និងរងរបួសដៃជាទម្ងន់ ព្រោះលេងកាច់ដៃគ្នាជាមួយមិត្តភក្តិ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមប្រភពបានឱ្យដឹងថា និស្សិតម្នាក់នោះមាននាមត្រកូល Xu អាយុ ២១ឆ្នាំ ថ្មីៗនេះបានប្រកួតលេងកាច់ដៃគ្នាជាមួយមិត្តភក្តិរបស់គេ។ ប៉ុន្តែជាអកុសល សប្បាយក្លាយទៅជាទុក្ខ បណ្តាលឱ្យដៃរបស់គេរងរបួសជាខ្លាំង។
ក្រោយឆ្លងកាត់ការត្រួតពិនិត្យរបស់គ្រូពេទ្យបានឱ្យដឹងថា ដៃរបស់ Xu បានបាក់ឆ្អឹង និងរងរបួសជាទម្ងន់។ យ៉ាងណាមិញ គ្រូពេទ្យមានការភ្ញាក់ផ្អើលជាខ្លាំង ព្រោះតែ Xu គឺនៅក្មេង ហើយឆ្អឹងរបស់គេគួរតែរឹងមាំ មិននឹកស្មានសោះថា គេរងរបួសធ្ងន់ដល់ថ្នាក់នេះ។
លើសពីនេះទៅទៀត គ្រូពេទ្យបានផ្តល់ជាដំបូន្មានទៅកាន់មនុស្សទូទៅ កុំឱ្យលេងកាច់ដៃគ្នាអី ព្រោះវាអាចបណ្តាលឱ្យបាក់ឆ្អឹងដូចជាករណីរបស់ Xu ជាដើម៕
ចង់ជ្រាបច្បាស់ទស្សនាវីដេអូខាងក្រោម៖