កូរ៉េខាងត្បូង៖ ក្នុងពេលថ្មីៗនេះ ខាងប៊្រេនសម្លៀកបំពាក់ម៉ាកLucky Chouette បានបញ្ចេញរូបថតផ្សព្វផ្សាយ ម៉ូតសម្លៀកបំពាក់នារដូវកាលថ្មីរបស់ខ្លួន ដែលមានតារាស្រីSuilli ជាម៉ូដែលក្នុងការថត ម៉ូតសម្លៀកបំពាក់ទាំងនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង រូបថតប៉ុន្មានសន្លឹកនោះ គេឃើញSuilli បានពាក់អាវដែលមានពណ៌ចម្រុះ បន្ថែមជាមួកផ្សេងៗគ្នា រួមទាំងស្ទាយ៍ក្នុងការថតរូបប្លែកៗ ជាច្រើនទៀត ដែលមើលទៅពិតជាគួរឲ្យអស់សំណើចតែម្តង។ យ៉ាងណាមិញនេះ គឺគ្រាន់តែជាស្ទាយ៍ក្នុងការថតរូប ដើម្បីឲ្យមើលទៅប្លែក និងទាក់ទាញអារម្មណ៍ អ្នកមើលតែប៉ុណ្ណោះ។ ជារួម សម្រាប់ការច្នៃម៉ូតរបស់ម៉ាកសម្លៀកបំពាក់Lucky Chouette តំណាងឲ្យការបញ្ចេញម៉ូតថ្មី សម្រាប់ឆ្នាំ២០១៩ F/W នេះមើលទៅ គឺពោររពេញដោយម៉ូតប្លែកៗ កំប្លែងទាក់ទាញ រួមទាំងការdesign នៅពណ៌ចម្រុះ មើលទៅពិតជាទាក់ចិត្ត អ្នកមើលមិនណយទេ។
បន្ថែមពីនេះទៀត គេឃើញថាសម្រាប់ម៉ូតថ្មីនេះ គឺអ្នកច្នៃម៉ូតបាន ច្នៃរួមបញ្ចូលគ្នា បង្កើតឡើងរវាងម៉ូត ដែលផ្លូវការនិងមិនផ្លូវការ ដែលមើលទៅពិតជាប្លែកនិងទាក់ទាញខ្លាំង។ គួរបញ្ជាក់ផងដែរថា ម៉ូតសម្រាប់រដូវកាលថ្មីនេះ ត្រូវបានថតដោយSuilli ដែលជាអ្នកតំណាងនៃ ម៉ូតសម្លៀកបំពាក់ម៉ាកLucky Chouette នេះផ្ទាល់តែម្តង៕
Bong I.T