ន័រវែស៖ ប្រសិនបើអ្នកធ្វើការតែងតែអង្គុយនៅមួយកន្លែងជាប់នោះ អ្នកគួរតែឧស្សាហ៍ងើបចុះឡើងបន្តិច ព្រោះវាពិតជាមិនល្អចំពោះសុខភាពរបស់អ្នកនោះទេ។

ជាក់ស្តែង យោងតាមការសិក្សាថ្មីមួយ ដែលធ្វើឡើងដោយសាកវិទ្យាល័យ Norwegian School of Sport Sciences ក្នុងទីក្រុងអូស្លូ បានបង្ហាញថា ការអង្គុយជាប់ច្រើនម៉ោងអាចធ្វើឱ្យអ្នកឆាប់ស្លាប់បាន។

រូបតំណាង

ការសិក្សានេះធ្វើឡើងចំពោះមនុស្សវ័យកណ្តាលដែលមានអាយុចាប់ពី ៤០ឆ្នាំឡើងទៅ ហើយក្នុងនោះមានអ្នកចូលរួមប្រមាណ ៣៦,៣៨៣នាក់ ដោយតម្រូវឱ្យពួកគេពាក់ឧបករណ៍តាមដានរាល់សកម្មភាពរបស់ពួកគេ។

៥ឆ្នាំក្រោយមក អ្នកចូលរួមចំនួន ២,១៤៩នាក់បានស្លាប់បាត់បង់ជីវិត។ ពួកគេរកឃើញថា អ្នកដែលអង្គុយនៅមួយកន្លែងជាប់ប្រមាណ ៩,៥ម៉ោង ឬអ្នកចូលចិត្តអង្គុយ ពុំសូវធ្វើសកម្មភាពដើរចុះឡើងច្រើន មានហានិភ័យខ្ពស់ ឆាប់ស្លាប់ ដល់ទៅ ៥ដង ជាងអ្នកធ្វើសកម្មភាពច្រើន។

ដូច្នេះសម្រាប់ប្រិយមិត្តទាំងអស់ គួរតែឧស្សាហ៍ដើរចុះឡើង ឬក៏ហាត់ប្រាណ។ កុំអង្គុយជាប់មួយកន្លែងយូរពេក បើទោះបីជាអ្នកមានវ័យក្មេងក៏ដោយ ក៏ការអង្គុយជាប់មួយកន្លែងយូរ គឺមានហានិភ័យជាច្រើនដែលអាចធ្វើឱ្យអ្នកស្លាប់បាន៕

រូបតំណាង

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]