ថៃ៖ ស្ត្រីម្នាក់បានរកឃើញលុយដែលប្ដីបានលាក់ទុកជាសម្ងាត់ ក្រោយពីឆ្មាមួយក្បាលធ្វើធ្លាក់ប្រអប់មួយចុះមកក្រោម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមគណនីហ្វេសប៊ុកឈ្មោះ Bow Kanuengnuch កាលពីថ្ងៃទី២១ ខែសីហា ឆ្នាំ២០១៩កន្លងទៅនេះ បានបង្ហោះរូបភាពពីរសន្លឹកដោយភ្ជាប់សារមួយសរសេរថា៖
មុនថ្ងៃកើតហេតុ នាងបានសុំលុយពីប្ដីសម្រាប់បង់ថ្លៃជួលផ្ទះ ប៉ុន្ដែប្ដីប្រាប់នាងថា មិនមានលុយក្នុងខ្លួនឡើយ។ ក្រោយមកទើបនាងប្រទះឃើញលុយនៅក្នុងប្រអប់ដែលឆ្មាធ្វើឲ្យធ្លាក់ចុះពីលើទូរខោអាវ ចំនួនប្រមាណ២ពាន់បាត (៦៥ដុល្លារអាមេរិក)។
ក្រោយពីការបង្ហោះនៅលើបណ្ដាញសង្គមរួចមក មានមហាជនមួយចំនួនបានបញ្ចេញមតិគួរឲ្យអស់សំណើចថា ឆ្មានោះប្រហែលអាចនឹងត្រូវបុរសជាប្ដីដេញចេញពីផ្ទះ ឬសម្លាប់ចោលជាដើម។
យ៉ាងណាមិញ ប្រភពក៏មិនបានដឹងដែរថា នឹងមានអ្វីកើតឡើងចំពោះបុរសជាប្ដីបន្ទាប់ពីប្រពន្ធរកឃើញលុយដែលបានលាក់ទុកមិនឱ្យនាងដឹង ប៉ុន្ដែចំណែកឆ្មានោះវិញច្បាស់ណាស់នឹងទទួលបានរង្វាន់ពីស្ត្រីជាប្រពន្ធ ដោយបានស៊ីត្រីអាំងហើយមើលទៅ៕
តើប្រិយមិត្តអ្នកអានយល់យ៉ាងណាដែរ?