រាជធានីភ្នំពេញ ៖ បុរសអ្នកលក់ពោតឆាម្នាក់មានប្រពន្ធ និងកូន រួចទៅហើយ ប៉ុន្តែប្រពន្ធ និងកូនរស់នៅឯស្រុកកំណើត ចំណែកខ្លួនបានមកលក់ពោតឆានៅឯភ្នំពេញជាច្រើនខែមកហើយ ដោយសារតែបែកប្រពន្ធយូរជូរមាត់ក៏លួចបង្កាត់ភ្លើងស្នេហ៍ជាមួយក្មេងស្រីជំទង់ម្នាក់។ រហូតឈានដល់ដឹកដៃគ្នាចូលក្រេបទឹកឃ្មុំនៅក្នុងផ្ទះសំណាក់បានសម្រេចជាបន្តបន្ទាប់២ដង ហើយនៅលើកទី១បានសុខសាន្តគ្នានបញ្ហាអ្វីឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលុះដល់លើកទី២ក្រោយពីររួមភេទរួចបាន បែកធ្លាយរឿងដឹងដល់ឪពុកម្ដាយខាងស្រីក៏បានប្ដឹងឲ្យនគរបាលឃាត់ខ្លួនចាត់ការតាមច្បាប់តែម្ដង។ ការចាប់ខ្លួននោះបានធ្វើឡើងកាលពីវេលាម៉ោង៤ល្ងាច ថ្ងៃទី១៦ ខែសីហា ឆ្នាំ២០១៩ នៅចំណុចបន្ទប់ជួល ស្ថិតនៅក្នុងភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ បុរសជាជនសង្ស័យខាងលើនោះឈ្មោះ លី គីមឆាយ អាយុ២២ឆ្នាំ មុខរបរលក់ពោតឆា ស្នាក់នៅផ្ទះជួលក្នុងភូមិខាងលើ និងមានទីលំនៅអចិន្ត្រៃយ៍នៅខេត្តព្រះសីហនុ។
ដោយឡែកក្មេងស្រីជាគូសង្សារមានអាយុ១៥ឆ្នាំ ហើយស្នាក់នៅក្នុងសង្កាត់ចោមចៅទី៣ ខណ្ឌពោធិ៍សែនជ័យ។ នគរបាលបានឲ្យដឹងថា ការចាប់ខ្លួនបុរសនេះគឺយោងទៅលើពាក្យបណ្ដឹងរបស់ អាណាព្យាបាលក្មេងស្រីរងគ្រោះថ្វីដ្បិតតែសេចក្ដីស្នេហាឈានដល់ការដេករួមដំណេកជាមួយគ្នាដោយការព្រមព្រៀងក៏ពិតមែន ប៉ុន្តែតាមច្បាប់គឺបុរសនោះខុសហើយ។ ព្រោះខាងស្រីជាអនិតិជន (ជាជនមិនទាន់គ្រប់អាយុ) ដូច្នេះក្រោយពីការឃាត់ខ្លួនកម្លាំងបាននាំទៅសាកសួរនៅប៉ុស្តិ៍ចោមចៅ៣ ដើម្បីកសាងសំណុំរឿងបញ្ជូនទៅកាន់ផ្នែកព្រហ្មទណ្ឌនគរបាលខណ្ឌពោធិ៍សែនជ័យ និងបញ្ជូនបន្តទៅកាន់ សាលាដំបូងរាជធាបីភ្នំពេញចាត់ការតាមច្បាប់។
ដោយឡែបុរសជាជនសង្ស័យបានឲ្យដឹងថា ខ្លួនមិនមែននៅកម្លោះនោះទេ គឺមានប្រពន្ធនិងកូនរួចទៅហើយ។ ប៉ុន្តែប្រពន្ធបានស្នាក់នៅឯផ្ទះនៅក្នុងខេត្តព្រះសីហនុឯណោះ ចំណែកខ្លួនបានចាកចេញពីផ្ទះមករស់នៅភ្នំពេញតែម្នាក់ឯង ច្រើបខែកន្លងមកហើយ ដើម្បីប្រកបរបរលក់ពោតឆា។ ក្រោយមកខ្លួនបានជួបជាមួយនឹងក្មេងស្រីខាងលើ ហើយក៏លង់នឹងសម្រស់នាងដកចិត្តមិនរួចទើបខ្លួនបានទាក់ទងសុំសេចក្ដីស្នេហាពីនាងរហូតនាងយល់ព្រមស្រឡាញ់ខ្លួនវិញ។ បុរសខាងលើបានបន្តថា ពួកយើងបានស្រឡាញ់គ្នាទៅវិញទៅមកយ៉ាងស្អិតរមួត អស់រយៈពេល៥ទៅ៦ខែកន្លងមកហើយ ដោយភាគីខាងស្រីមិនដឹងថាខ្លួនមានប្រពន្ធ និងកូនរួចទៅហើយ ទេដោយនាងបានសួរពីរឿងនេះដែរប៉ុន្តែខ្លួនបានលាក់ និងកុហកថាអត់ទាន់មានទេ។
រហូតដល់វេលាយប់ថ្ងៃទី១១ ខែសីហា ឆ្នាំ២០១៩ ពួកខ្លួនទាំង២នាក់បាននាំគ្នាទៅដេកនៅផ្ទះសំណាក់មួយកន្លែងស្ថិតនៅនៅមុខអាកាសយានដ្ឋានអន្តរជាតិភ្នំពេញ ក្នុងភូមិក្បាលដំរី សង្កាត់កាកាប១ ខណ្ឌពោធិ៍សែនជ័យ និងបានព្រមព្រៀងរួមរ័កមេត្រី ជាមួយគ្នាបានសម្រេចម្តង ហើយក៏បានដេកនៅជាមួយគ្នាពេញ១យប់ លុះព្រឹកឡើងថ្ងៃទី១២ ខែសីហា ក៏បែកគ្នាទៅផ្ទះរៀងខ្លួន។ បន្ទាប់មកបានទាក់ទងគ្នាជាធម្មតា លុះដល់យប់ថ្ងៃទី១៥ ខែសីហា នាងជាសង្សារបានឆាតតាមបណ្ដាញសង្គមហ្វេសប៊ុកហៅឲ្យខ្លួនទៅយក ដើម្បីទៅដេកនៅផ្ទះសំណាក់ ដដែលជាមួយនាង ហើយខ្លួនក៏បានទៅយកដោយគ្មានការរុញរាឡើយ។
ប្រភពដដែលបានបន្តថា ក្រោយពេលចូលដល់ផ្ទះសំណាក់ក៏បានព្រមព្រៀងរួមរ័កគ្នារហូតបានសម្រេចម្តងទៀត និងបានដេក ជាមួយគ្នា នៅទីនោះពេញ១យប់ទៀត រហូតដល់ព្រឹកឡើង ថ្ងៃទី១៦ ខែសីហា ទើបខ្លួនបានចេញពី ផ្ទះសំណាក់ មុនត្រឡប់ទៅផ្ទះជួលមុខ។ ចំណែកនាងបានស្ថិតនៅក្នុង ផ្ទះសំណាក់នោះ រហូតដល់ម៉ោង ១១ព្រឹកថ្ងៃដដែល ទើបនាងឆាតហៅឲ្យទទួលយកនាងចេញពីផ្ទះសំណាក់ត្រឡប់ទៅផ្ទះវិញ ស្រាប់តែបែកធ្លាយរឿងដល់ឪពុកម្តាយនាងប្តឹងនគរបាលឃាត់ខ្លួនបែបនេះតែម្តង។
ចំណែកនាងរងគ្រោះ បានប្រាប់ឲ្យនគរបាលដឹងថា រូបនាងបានទាក់ទងជាមួយបុរសខាងលើរយៈពេលជិត១ឆ្នាំ កន្លងមកហើយ ដោយមិនដឹងថា បុរសខាងលើមានប្រពន្ធ និងកូននោះទេ។ ព្រោះបុរសនេះនៅក្មេង និងប្រាប់ថា មិនទាន់មានប្រពន្ធទេ ទើបនាងខំតែជឿ និងព្រមប្រគល់ខ្លួនប្រាណជូនដោយមិនស្ដាយ ស្រណោះ ប៉ុន្តែមិននឹកស្មានថា ទីបំផុតបុរសនេះមានប្រពន្ធ និងកូនរួចទៅហើយ ហើយមកបោកប្រាសនាងបែបនេះសោះ៕
ប្រភព៖ កោះសន្តិភាព