ខេត្តបាត់ដំបង ៖ ដោយសាយតែឥទ្ធិពលនៃគ្រឿងញៀន ដែលបន្សល់ទុកជាប់នៅក្នុងខ្លួនរហូតធ្វើឱ្យយុវជនម្នាក់ឆ្កួតវង្វេង លែងស្គាល់ខុសត្រូវ ហ៊ានលើកដៃអារ.កសម្លាប់ប្អូនស្រីជីដូនមួយយ៉ាងសាហាវឃោរឃៅបំផុត កាលពីវេលាម៉ោង០៥ និង៣០នាទីល្ងាចថ្ងៃទី១៥ សីហា ខណ:នាងកំពុងអង្គុយមើលទូរទស្សន៍នៅលើផ្ទះជាមួយជីដូន ស្ថិតនៅក្នុងភូមិមោង ឃុំមោង ស្រុកមោងប្ញស្សី ហើយជននេះ ក៏ត្រូវបានឃាត់ខ្លួនភ្លាមៗដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជនសាហាវព្រៃផ្សៃនេះ ឈ្មោះ ជុំ ជោគជ័យ ភេទប្រុស អាយុ១៧ឆ្នាំ រស់នៅភូមិ-ឃុំខាងលើ ។ ជននេះបានយកកាំបិតកញ្ចែតអារ.កប្អូនស្រីជីដូនមួយឈ្មោះ អ៊ុន កញ្ចនា អាយុ១៦ឆ្នាំ រស់នៅភូមិ ឃុំជាមួយគ្នា បណ្ដាលឲ្យស្លាប់ភ្លាមៗនៅលើប៉ៅអី ។ បើតាមសមត្ថកិច្ចបានប្រាប់ថា ជនដៃដល់ជាមនុស្សមានសតិមិនប្រក្រតី ដែលបណ្ដាលមកពីញៀនថ្នាំដល់កំរិត ដែលជននេះធ្លាប់ត្រូវអាណាព្យាបាលយកទៅដាក់មណ្ឌលកែប្រែទៀតផង។
ប្រភពពីក្រុមគ្រួសារបាននិយាយថា ដោយសារតែខឹងប្អូនស្រីជីដូនមួយមិនឱ្យបាយហូបដូចរាល់ដង ទើបនៅល្ងាចនោះជ ននេះទាញកាំបិតឡើងទៅអារ.កនាងដល់លើផ្ទះតែម្ដង ។ ព្រោះកន្លងមក ជននេះតែងទៅហូបបាយនៅផ្ទះប្អូនជីដូនមួយនេះដែលនៅក្បែរគ្នា ។ ទោះជាយ៉ាងណា ជននេះត្រូវបានសមត្ថកិច្ចចាប់ខ្លួនភ្លាមៗ ហើយពេលនេះមន្ត្រីជំនាញកំពុងសួរនាំ ដើម្បីកសាងសំណុំរឿងបញ្ជូនទៅតុលាការហើយ។ នេះហើយលទ្ធផលដែលងប់ងុលនឹងគ្រឿងញៀន។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ប្រភព៖ កោះសន្តិភាព
Bong I.T