WARNING: Graphic Content
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហុងកុង៖ នៅក្នុងរយៈពេលប៉ុន្មានថ្ងៃចុងក្រោយនេះ ក្រុមប៉ូលិសហុងកុងបានធ្វើសកម្មភាពបង្រ្កាបក្រុមបាតុករក្រោមរូបភាពជាច្រើន រួមមាន ការយកដំបងវាយប្រហារ ការបាញ់ឧស្ម័នបង្ហូរទឹកភ្នែក និងការបាញ់គ្រាប់កាំភ្លើងជ័រ ដើម្បីបំបែកហ្វូងបាតុករ។
កាលពីពេលថ្មីៗនេះ ទិដ្ឋភាពដ៏ព្រឺព្រួចមួយត្រូវបានថតជាប់ដែលបង្ហាញសកម្មភាពក្រុមប៉ូលិសធ្វើការវាយប្រហារលើក្រុមបាតុករនៅស្ថានីយ៍រថភ្លើង Tai Koo MTR ដោយការបាញ់គា្រប់កាំភ្លើងជ័រគ្មានត្រាប្រណី។ ជាក់ស្តែងជនរងគ្រោះជាស្រ្តីម្នាក់ស្ទើរតែខ្វាក់ភ្នែកទៅហើយ ព្រោះតែគា្រប់កាំភ្លើងជ័រដែលប៉ូលិសបានបាញ់ចំនាង។
វីដេអូនេះត្រូវបានបង្ហោះចូលក្នុងបណ្តាញសង្គម មានអ្នកទស្សនាជាង ៣,៦លានដង និងរងការរិះគន់ចំពោះក្រុមប៉ូលិសយ៉ាងខ្លាំង។
ក្រុមអ្នកការពារសិទ្ធិមនុស្សបានបញ្ចេញមតិថា៖
យ៉ាងហោចណាស់ស្រ្តីរងគ្រោះម្នាក់ត្រូវបានបញ្ជូនទៅកាន់បន្ទប់សង្រ្គោះបន្ទាន់ ហើយត្រូវបានរាយការណ៍ថា នាងបានរហែកចិញ្ចើម និងរបួសភ្នែកខាងស្តាំជាទម្ងន់។ គ្រូពេទ្យបានបញ្ជាក់ថា នាងអាចនឹងខ្វាក់ភ្នែកបានចំពោះឧប្បត្តិហេតុដ៏ព្រៃផ្សៃនេះ។
ក្នុងនោះក្រុមបាតុករជាច្រើននាក់ផ្សេងទៀត ក៏ទទួលរងរបួសផងដែរ។
បន្ថែមពីនេះទៀត ពួកគេបានលើកស្លាកតវ៉ា និងសម្តែងកាយវិការជាមួយពាក្យពេចន៍បង្កប់ដោយអត្ថន័យថា «ភ្នែកសងដោយភ្នែក»៕
ទស្សនារូបភាពនិងវីដេអូខាងក្រោម៖