ស្វីតណាស់! Pattie រំភើបរហូតដល់ស្រក់ទឹកភ្នែក ក្រោយ Dan Worrawech Surprise ខួបកំណើតឲ្យយ៉ាងផ្អែមល្ហែម! (មានវីដេអូ)

ថៃ៖ កាលពីថ្ងៃទី១២ ខែសីហា ឆ្នាំ២០១៩ កន្លងទៅនេះ ត្រូវជាថ្ងៃខួបកំណើតរបស់តារាសម្ដែងស្រីវ័យក្មេង កញ្ញា Pattie ដែលត្រូវជាមិត្តស្រីជាទីស្រលាញ់របស់តារាសម្ដែងប្រុសរូបសង្ហា លោក Dan Worrawech ផងដែរ។

ស្របពេលជាមួយគ្នានេះដែរ សម្រាប់ក្នុងឆ្នាំថ្មីនេះ តារាសម្ដែងប្រុស លោក Dan Worrawech ក៏បានឆ្លៀតពេលវេលាដ៏មមាញឹក មកត្រៀមរៀបចំតុបតែងកម្មវិធីដ៏ពិសេសមួយ ជូនទៅដល់គូស្នេហ៍បណ្ដូលចិត្តរបស់លោក សម្រាប់ជាកាដូថ្ងៃកំណើតក្នុងឆ្នាំនេះ ដែលបានធ្វើឲ្យតារាស្រី កញ្ញា Pattie រំភើបរហូតដល់ទប់ទឹកភ្នែកមិនជាប់ថែមទៀតផង។

ទន្ទឹមនឹងទង្វើទាំងនេះ ក៏បានបង្ហាញថា ទោះបីជាពួកគេទាំងពីរ បានស្រលាញ់គ្នាមកជិត១០ឆ្នាំ មកហើយក៏ដោយ ក៏ប៉ុន្តែពួកគេមិនភ្លេចផ្ដល់ភាពផ្អែមល្ហែម ហើយជាពិសេសស្រលាញ់គ្នាខ្លាំងឡើងៗ ដែលធ្វើឲ្យមហាជនជាច្រើននាំគ្នា សរសើរដល់ស្នេហារបស់អ្នកទាំងពីរជាខ្លាំងផងដែរ៕

ចង់ជ្រាបច្បាស់ សូមទស្សនាវីដេអូខាងក្រោមនេះ៖