បរទេស៖ ប្រិយមិត្តប្រាកដជាបានជ្រាបរួចមកហើយថា តារាចម្រៀងស្រីMiley Cyrus និងតារាសម្តែងប្រុសលោកLiam Hemsworth បានសម្រេចចិត្តចែកផ្លូវគ្នា ក្រោយពួកគេរៀបការបាន៨ខែ។ ទៀតសោតដំណឹងនេះ បានធ្វើឲ្យអ្នកគាំទ្រមានអារម្មណ៍ភ្ញាក់ផ្អើលយ៉ាងខ្លាំង សឹងតែមិនគួរឲ្យជឿ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែមានរឿងមួយទៀត ដែលធ្វើឲ្យគាំទ្រកាន់តែភ្ញាក់ផ្អើលនោះគឺ ក្រោយពីលែងលះគ្នាជាមួយស្វាមីមិនបានប៉ុន្មានថ្ងៃផង ស្រាប់តែបែកធ្លាយរូបថតជាច្រើនសន្លឹក ខណៈពេលដែលMiley អោបថើបគ្នាជាមួយតារាស្រី Kaitlynn Carter យ៉ាងស្អិតរមួតប្រៀបដូចជាគូស្នេហ៍ថ្មីថ្មោង។
ដោយឡែកក្រោយពីបានឃើញបែបនេះភ្លាម អ្នកគាំទ្រនាំគ្នាសន្និដ្ឋានថា ពួកគេទាំងពីរប្រហែលជាមានទំនាក់ទំនងស្នេហានឹងគ្នា ព្រោះកាលពីមុនMiley ក៏ធ្លាប់និយាយក្តែងៗប្រាប់អ្នកសារព័ត៌មានថានាងជាBisexual (ស្រលាញ់ប្រុសក៏បាន ស្រីក៏បាន)។
ជាមួយគ្នានេះគួរឲ្យដឹងផងដែរថាតារាស្រីKaitlynn Carter ក៏ទើបតែបែកគ្នាជាមួយមិត្តប្រុសរបស់នាងគឺលោកBrody Jenner កាលពីសប្តាហ៍មុនដូចគ្នា។
ទោះបីជាយ៉ាងណាក៏ដោយ នេះគ្រាន់តែជាការប៉ាន់ស្មានតែប៉ុណ្ណោះ។ យ៉ាងណាមិញអ្នកគាំទ្រនឹងរង់ចាំស្តាប់ការបកស្រាយចេញពីមាត់របស់Mileyផ្ទាល់ ពាក់ព័ន្ធនឹងទំនាក់ទំនងរបស់ពួកគេទាំងពីរ៕
សូមទស្សនារូបភាពខាងក្រោម៖