ភ្នំពេញ៖ ការប្រកួតប្រដាល់គុនខ្មែរ ក្នុងកម្មវិធីដណ្ដើមប្រាក់លានខ៉ារ៉ាប៉ាវ របស់បណ្ដាញស្ថានីយ៍ទូរទស្សន៍ CBS កាលពីថ្ងៃសៅរ៍កន្លងទៅ ជើងខ្លាំងកម្ពុជា រហស្សនាម ដៃភ្លើង ជើងរន្ទះ រឿង សោភ័ណ្ឌ បានប្រកួតឈ្នះកីឡាករជនជាតិ អ៊ីរ៉ង់ Matin ដោយវាយរហូតដល់អាជ្ញាកណ្ដាលបញ្ឈប់ការប្រកួតត្រឹមទឹកទី ៣។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតក្នុងទឹកទី ១ កីឡាករទាំងពីរ មិនសូវសម្រុកគ្នាប៉ុន្មានទេ ដោយបានស្ទាបស្ទង់គ្នារៀងៗខ្លួន។ ប៉ុន្តែ ចូលមកដល់ទឹកទី ២ សិស្សគុនមកពីក្លិបម្កុជរាជសី បានទាត់ជាច្រើនជើងទៅលើកីឡាករ Matin ខណៈកីឡាករអ៊ីរ៉ង់រូបនេះ សងវិញបានបន្តិចបន្តួចប៉ុណ្ណោះ។ យ៉ាងណាមិញ ចូលមកដល់ទឹកទី ៣ រឿង សោភ័ណ្ឌ បានទាត់ជើងក្រោម បំបាក់ជន្ទល់របស់គូបដិបក្ខ រាប់ដល់ ១០៕
ចង់ឃើញ ការប្រកួតនោះ ដៃភ្លើង ជើងរន្ទះ ធ្វើល្អយ៉ាងណានោះ ទស្សនាវីដេអូខាងក្រោមទាំងអស់គ្នា!!
ប្រភព: Sport Zone