ក្រោយពីគ្រងមកុដ ជូរី ល្អហួស Miss Teen Icon International 2026 ជូរី ល្អហួស បានចុះទៅសួរសុខទុក្ខបងប្អូននាំអំណោយជូនកងកម្លាំង និងសួរសុខទុក្ខប្រជាពលរដ្ឋភូមិរង់ចាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យោងតាមការបង្ហោះសាររបស់ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យបានឲ្យដឹងថា លោក និង លោកជំទាវ ឯកឧត្តម ប្លែក វ៉ារី ប្រធានក្រុមប្រឹក្សាខេត្ត បានទទួលស្វាគមន៍ចំពោះវត្តមានបវរកញ្ញាកម្ពុជា ជូរី ល្អហួស Miss Teen Icon Cambodia 2026 និងជាម្ចាស់មកុដ Miss Teen Icon International 2026 ដែលបានឈ្នះជ័យជម្នះនៅប្រទេសឥណ្ឌូនេស៊ី កាលពីថ្ងៃទី១៣ ខែវិច្ឆិកា ឆ្នាំ២០២៦ ដែលបានមកកាន់ទឹកដីខេត្តបន្ទាយមានជ័យ នាថ្ងៃទី២០ ខែវិច្ឆិកា ឆ្នាំ២០២៦។

មិនតែប៉ុណ្ណោះ ល្អហួស បានសរសេរសារថា «នាងខ្ញុំមិនចង់ឱ្យមនុស្សចងចាំនាងខ្ញុំត្រឹមតែជាម្ចាស់មកុដម្នាក់នោះទេ ប៉ុន្តែនាងខ្ញុំចង់ឱ្យមនុស្សចងចាំថា មានក្មេងស្រីខ្មែរម្នាក់ ដែលបានប្រើមកុដ និងឱកាសរបស់ខ្លួន ដើម្បីនាំយកក្តីស្រឡាញ់ទៅជូនប្រជាជនរបស់ខ្លួន។ ព្រោះសម្រាប់នាងខ្ញុំ ភាពជោគជ័យពិតប្រាកដ គឺមិនមែនត្រឹមតែការឈរនៅលើឆាកអន្តរជាតិនោះទេ ប៉ុន្តែគឺការអាចត្រឡប់មកជួយសង្គម និងធ្វើឱ្យជីវិតអ្នកដទៃមានស្នាមញញឹមបាន…»។ ពិតជាសមនឹងឈ្មោះពិតមែន ល្អហួស មិនធ្វើឲ្យប្រជាជនខ្មែរខកបំណងនោះឡើយ៕











