Tia Zakher មានអាយុ ២៣ ឆ្នាំ ហើយរាល់យប់នាងត្រូវសម្រេចចិត្តលើរឿងមួយ។ នាងគឺជាអ្នកដឹកជញ្ជូនអាហារឱ្យក្រុមហ៊ុន Uber Eats ហើយនាងបានដឹងថាការធ្វើការនៅពេលយប់អាចរកចំណូលបានច្រើនជាងពេលថ្ងៃ។

ការចេញទៅធ្វើការតែម្នាក់ឯងក្នុងពេលយប់ងងឹត ធ្វើឱ្យនាងមានអារម្មណ៍ភ័យខ្លាច ដូច្នេះនាងក៏បានរកឃើញដំណោះស្រាយមួយសម្រាប់ខ្លួនឯង។

នាងបានស្លៀកពាក់អាវយឺតដៃវែងពណ៌ប្រផេះ អាវក្រៅធំៗ ខោពណ៌កាគី និងស្បែកជើងប៉ាតាពណ៌ស។ នៅផ្នែកខាងលើ នាងពាក់មួកដែលមានក្រណាត់គ្របក្បាល (hoodie) និងពាក់ម៉ាសបិទបាំងពាក់កណ្តាលមុខ។ នាងបានថតវីដេអូបង្ហោះលើ TikTok ដោយមានអត្ថបទពន្យល់ថា៖ ដោយសារតែនាងខ្លាចចេញទៅដឹកជញ្ជូនអាហារតែម្នាក់ឯងនៅពេលយប់ ប៉ុន្តែចង់បានចំណូលច្រើនជាងមុន ទើបនាងសម្រេចចិត្តស្លៀកពាក់ឱ្យមើលទៅដូចជាបុរស។ ចំណងជើងនៃវីដេអូនោះមានឃ្លាតែមួយឃ្លាគឺ៖ "ឯកសិទ្ធិរបស់បុរស" (Male privilege)។

វីដេអូនេះទទួលបានការចូលមើលជាង ២៧២,០០០ ដង។ អ្នកប្រើប្រាស់បណ្តាញសង្គមជាច្រើនបានសម្តែងការគាំទ្រដល់នាង និងសម្តែងការសោកស្តាយដែលស្ត្រីម្នាក់ត្រូវបង្ខំចិត្តធ្វើដល់កម្រិតនេះ។ អ្នកខ្លះទៀតបានផ្តល់ដំបូន្មានជាក់ស្តែងដល់នាង ដូចជាការស្លៀកខោដែលធំជាងនេះ ដើម្បីឱ្យមើលទៅកាន់តែដូចបុរស។ ទន្ទឹមនឹងនេះ ក៏មានអ្នកខ្លះទៀតបានរិះគន់នាងផងដែរ។ តើប្រិយមិត្តយល់យ៉ាងណាដែរ?