កម្សាន្ត៖ កំពូលតារាបាល់ទាត់ លោក Cristiano Ronaldo និងគូស្នេហ៍ ដែលជាតារាម៉ូដែល Georgina Rodríguez បានភ្ជាប់ពាក្យនឹងគ្នា បន្ទាប់ពី មានទំនាក់ទំនងស្នេហាអស់រយៈពេល ៨ ឆ្នាំ។

តារាម៉ូដែលស្រី Georgina Rodríguez បានចែករំលែកដំណឹងល្អ នៅលើ Instagram កាលពីថ្ងៃចន្ទ រួមជាមួយនឹងរូបថតរបស់នាង ដែលពាក់ចិញ្ចៀនពេជ្រដ៏ធំ នៅនឹងម្រាមដៃ ដោយរូបនាង បានសរសេរ​ក្នុង​ចំណង​ជើង​ថា៖ «ខ្ញុំ​យល់ព្រមហើយ ​ក្នុង​ជីវិត​នេះ និង​ជីវិត​ទាំង​អស់​ នៅពេលខាង​មុខ»។

នៅក្នុងផ្នែកមតិ Georgina និង Ronaldo ត្រូវបានមហាជន និងអ្នកគាំទ្រជាច្រើន បានបង្ហាញភាពរីករាយ ព្រមទាំងអបអរសាទរ ជាមួយនឹងពេលវេលា ក៏ដូចជាដំណឹងដ៏ល្អរបស់អ្នកទាំងពីរ​។

គួររំឭកផងដែរថា Ronaldo និង Georgina បានចាប់ផ្តើមទាក់ទងគ្នានៅឆ្នាំ ២០១៧ បន្ទាប់ពី ជួបគ្នានៅហាង Gucci ដែលនាងធ្វើការនៅពេលនោះ។ អ្នកទាំងពីរ បានបង្ហាញខ្លួនជាមួយគ្នាជាលើកដំបូងនៅក្នុងកម្មវិធីពានរង្វាន់បាល់ទាត់ល្អបំផុតរបស់ FIFA នៅទីក្រុង Zurich ក្នុងខែមករា ឆ្នាំ ២០១៧ មុនពេលបង្ហាញខ្លួនជាផ្លូវការ នៅលើ Instagram ក្នុងខែឧសភា នាឆ្នាំនោះ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖