កម្សាន្ត៖ ធ្វើឲ្យហ្វេនៗជាច្រើន មានការចាប់អារម្មណ៍ ក្រោយពី Suri Cruise ដែលត្រូវបានគេស្គាល់ថា ជាកូនស្រីរបស់ តារាសម្ដែងប្រុស លោក Tom Cruise បានទៅសួរសុខទុក្ខម្តាយរបស់នាង ដែលជាតារាសម្តែង Katie Holmes ក្នុងកម្មវិធី 'Happy Hour' នៅទីក្រុងញូវយ៉ក កាលពីថ្ងៃទី ៧ ខែសីហា កន្លងទៅនេះ។

នៅរសៀលថ្ងៃព្រហស្បតិ៍កន្លងទៅ Suri Cruise បានឈប់នៅកន្លែង ដែលម្តាយរបស់នាងកំពុងថតនៅជិតឧទ្យាន។ កូនស្រីរបស់តារាសម្ដែងរូបនេះ បានស្លៀកសម្លៀកបំពាក់ដែលមានផាសុកភាព ជាមួយនឹងអាវខ្សែតូច ខោពណ៌កាគី ហើយបង្ហាញសម្រស់ធម្មជាតិ យ៉ាងស្រស់ស្អាត។

ចំណែក Katie Holmes ដែលជាម្ដាយ មើលទៅពោរពេញដោយរស្មី នៅពេលដែលកូនស្រីរបស់ខ្លួនមកលេង។ ជាពិសេស គេមើលឃើញថា ម្តាយ​និង​កូន​ស្រីមួយគូនេះ ​បាន​ជជែក​គ្នា​ពេល​ដើរ​ជាមួយ​សមាជិក​ក្រុមការងារថត ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖