អីយ៉ាស់! ស្ងាត់ៗ Juventus ចង់ចរចាយកកីឡាករ Man UTD រូបនេះទៅរួមក្រុម

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា ក្លិបសេះបង្កង់ Juventus បានទាក់ទងទៅខាងភ្នាក់ងាររបស់ខ្សែប្រយុទ្ធ Jadon Sancho ដើម្បីពិភាក្សាលើការចុះកុងត្រាហើយ។

Jadon Sancho ត្រូវគេរំពឹងទុកថានឹងចាកចេញពីក្លិបបិសាចក្រហម Manchester United នៅពេលឆាប់ៗខាងមុខ បន្ទាប់ពីរូបគេបានវិលត្រឡប់ពីខ្ចីជើងនៅ Chelsea រួចមក ដោយកីឡាករសញ្ជាតិអង់គ្លេសរូបនេះ ពុំមានគម្រោងចង់ស្នាក់នៅទឹកដី Old Trafford បន្តទៀតនោះឡើយ។

ខណៈពេល Manchester United ក៏បើកផ្លូវឲ្យរូបគេចាកចេញដែរនោះ ឥឡូវនេះ Juventus ដែលជាក្លិបនៅលីគអ៊ីតាលី Serie A បានទាក់ទងទៅភ្នាក់ងាររបស់ Sancho និងក្លិប Manchester United ដើម្បីស្វែងរកពីភាពអាចទៅរួចក្នុងការចុះកុងត្រាយកគេ ប៉ុន្តែមិនទាន់មានការដាក់សំណើជាផ្លូវការនោះឡើយ៕