កម្សាន្ត៖ តារាចម្រៀងស្រី Taylor Swift និង គូស្នេហ៍ ដែលត្រូវបានគេស្គាល់ថា ជាកីឡាករ លោក Travis Kelce ចេញមកណាត់ជួបគ្នា និងបានកម្សាន្តទស្សនា វគ្គផ្តាច់ព្រ័ត្រ Stanley Cup ដែលជាការប្រកួតវាយកូនគោលលើទឹកកកអាមេរិក នៅថ្ងៃទី ១២ ខែមិថុនាកន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គូស្នេហ៍អ្នកទាំងពីរ បានបង្ហាញភាពផ្អែមល្ហែម ដោយបានកាន់ដៃគ្នា ហើយបានមកដល់កន្លែងវាយកូនគោលលើទឹកកក (Ice Hockey) ក្នុងទីក្រុង Sunrise រដ្ឋ Florida កាលពីយប់ថ្ងៃព្រហស្បតិ៍ ដើម្បីមើលការប្រកួត Edmonton Oilers និង Florida Panthers ដែលការប្រកួតប្រជែងដណ្តើមពានរង្វាន់ដ៏មានកិត្យានុភាព។
ក្នុងនោះដែរ តារាចម្រៀងស្រី Taylor Swift មើលទៅមានភាពទាន់សម័យ ក្នុងឈុតអាវពណ៌ត្នោតខ្ចី និងខោជើងខ្លី ភ្ជាប់ជាមួយស្បែកជើងកវែង។ ខណៈ Travis Kelce ពាក់អាវយឺតដៃវែង និងខោខ្លីពណ៌ក្រហម រួមជាមួយនឹងស្បែកជើងប៉ាតា និងមួកកីឡាបេស្បល។
គូស្នេហ៍មួយគូនេះ ត្រូវបានគេឃើញជជែកគ្នាយ៉ាងសប្បាយ ពេលមើលការប្រកួត។ អ្នកទាំងពីរ ពិតជាមានក្ដីរំភើបរីករាយ និងម្តងម្កាលក៏បានក្រោកឈរទះដៃជាមួយអ្នកទស្សនាផ្សេងទៀតផងដែរ៕
ប្រភព៖ Ngoisao.net
សូមទស្សនារូបភាពខាងក្រោម៖
Bong I.T