Zhao Wei រៀបចំអបអរ ខួបកំណើត យ៉ាងមានក្ដីសុខ ជាមួយ មិត្តភក្តិ

កម្សាន្ត៖ តារា​សម្ដែងស្រី Zhao Wei បាន​ប្រារព្ធ​ខួប​ឈានចូលអាយុថ្មី របស់​ខ្លួន ​ជាមួយ​ក្រុម​មិត្ត​ជិត​ស្និទ្ធ​ នៅ​ភោជនីយដ្ឋាន​មួយកន្លែង ​ក្នុង​ខេត្ត Yunnan កាល​ពី​ថ្ងៃ​ទី ១០ ខែ​មិថុនា កន្លងទៅនេះ។

យោងតាម ​​ប្រភព Aboluowang បានឱ្យដឹងថា តារាស្រី Zhao Wei ត្រូវបានគេ ថតរូបអង្គុយជាមួយមិត្តភក្តិ ៣ ទៅ ៤ នាក់ នៅភោជនីយដ្ឋានត្រី salmon បែបអ៊ឺរ៉ុប ក្នុងខេត្ត Yunnan ខណៈក្រុមមិត្តៗរបស់នាង បានជជែកគ្នាយ៉ាងសប្បាយរីករាយ។

មុន​ពេលចូល​ក្នុង​ពិធី​ជប់លៀង Zhao Wei បាន​ពាក់​ម៉ាស់ និង​មួក ដែលហាក់​មិន​ចង់ឲ្យមានការ​ទាក់ទាញ​ចំណាប់អារម្មណ៍។ អ្នកថតរូប បានបង្ហើបថា ទោះបីជា Zhao Wei មានភាពស្ងៀមស្ងាត់ និងប្រុងប្រយ័ត្នក៏ដោយ តែតារាស្រីរូបនេះ បង្ហាញភ្នែកធំៗ ដែលនៅតែធ្វើឱ្យងាយស្រួល មើលនាងស្គាល់ ផងដែរ។

បន្ទាប់ពីញ៉ាំអាហាររួច Zhao Wei បានច្រៀងចម្រៀងខួបកំណើតជាមួយមិត្តភក្តិរបស់នាង និង​មើល​ទៅ​នាង មានភាពសប្បាយ​ រីករាយយ៉ាងខ្លាំង ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖