ស្ងាត់ៗ Real Madrid ក្រសោបយកបាន ជម្រើសជាតិអាហ្សង់ទីន រូបនេះហើយ

កីឡា៖ យោងតាមការចុះផ្សាយរបស់អ្នកកាសែត Fabrizio Romano បានឲ្យដឹងថា ក្លិបអធិរាជស Real Madrid បានឈានដល់កិច្ចព្រមព្រៀងចុះកុងត្រាយក ខ្សែបម្រើ Franco Mustantuono បានដោយជោគជ័យហើយ។

ក្នុងនោះកីឡាករជម្រើសជាតិអាហ្សង់ទីនរូបនេះ នឹងចុះកុងត្រារយៈពេលដល់ទៅ៦ឆ្នាំសម្រាប់ការស្នាក់នៅទឹកដី Santiago Bernabeu បន្ទាប់ពីរូបគេបានបង្ហាញបំណងចង់ផ្លាស់មក Real Madrid តែមួយគត់។

Franco Mustantuono នឹងចូលមកធ្វើតេស្តសុខភាពក្នុងនាមជាកីឡាកររបស់ Real Madrid ព្រមទាំងចុះកុងត្រាជាជាផ្លូវការនៅសប្តាហ៍ក្រោយនេះហើយ ស្របពេលដែលតម្លៃផ្ទេររបស់កីឡាករវ័យ១៧ឆ្នាំរូបនេះ គឺខ្ទង់ប្រមាណជា៤៥លានដុល្លារ៕