ប្រ៊េន LANCÔME បើកដំណើរការហាងដំបូងគេក្នុងប្រទេសកម្ពុជា នៅផ្សារទំនើបអ៊ីអនម៉លភ្នំពេញ ជាមួយវត្តមានដ៏ពិសេស ពីតារាកិត្តិយសប្រទេសថៃ លោក Gun Atthaphan

ព្រះរាជាណាចក្រកម្ពុជា ថ្ងៃទី២៤ ខែឧសភា ឆ្នាំ២០២៥ - Lancôme ដែលជាប្រ៊េនដ៏ល្បីល្បាញឯកទេសខាងសម្រស់របស់ប្រទេសបារាំង បានបើកដំណើរការសាខាដំបូងគេក្នុងប្រទេសកម្ពុជា ដែលមានទីតាំងស្ថិតនៅក្នុងផ្សារទំនើបអ៊ីអនម៉លភ្នំពេញ។​ ការបើកដំណើរការហាងនេះ ជាព្រឹត្តិការណ៍ដ៏សំខាន់មួយក្នុងការពង្រឹងប្រ៊េន Lancôme​ នៅក្នុងតំបន់អាស៊ីអាគ្នេយ៍។​ កម្មវិធីបើកសម្ភោធហាងថ្មីនេះបានប្រព្រឹត្តទៅនៅថ្ងៃទី ទី២៤ ខែឧសភា​​ ដែលជាកម្មវិធីបង្ហាញពីសម្រស់និងភាពស្រស់ស្អាត ដោយមានវត្តមានដ៏ពិសេសពីតារាកិត្តិយសប្រទេសថៃគឺលោក​ ​​Gun Atthaphan ក៏ដូចជាវត្តមានតារាកិត្តិយសប្រទេសកម្ពុជាគឺ កញ្ញា ស៊ីន យូប៊ីន កញ្ញា SK និងភ្ញៀវកិត្តិយសពិសេសៗជាច្រើនរូបទៀត។

ភ្ញៀវកិត្តិយសបានស្វែងយល់ពីផលិតផលថែរក្សាសម្រស់ គ្រឿងសម្អាង និងខូលិកសិនទឹកអប់នៅហាង Lancôme ដែលណែនាំដោយអ្នកជំនាញឯកទេស ផ្តល់នូវការប្រឹក្សាផ្ទាល់ខ្លួន និងការណែនាំពីវិធីក្នុងការថែរក្សាសម្រស់អោយស្រស់ស្អាត។

ក្រៅពីបទពិសោធន៍ដែលទទួលបាននៅក្នុងហាង កម្មវិធីនេះបានបន្តនូវកម្មវិធីពិសេសៗជាបន្តបន្ទាប់ទៀត។ នាពេលព្រឹក ភ្ញៀវកិត្តិយសត្រូវបានអញ្ជើញចូលរួមដោយផ្ទាល់ក្នុងថ្នាក់បង្រៀន ដើម្បីស្វែងយល់ពីវិទ្យាសាស្ត្រដ៏ទំនើបនៅពីក្រោយសេរ៉ូម Génifique Ultimate Serum ថ្មីបំផុតរបស់ Lancôme។ ការប្រារព្ធកម្មវិធីនេះ​បានធ្វើឡើងនៅសណ្ឋាគារ Sofitel Pavilion ដែលបានផ្ដល់នូវបទពិសោធន៌ដែលមិនអាចបំភ្លេចបានសំរាប់អ្នកដែលបានចូលរួម។

ហាង Lancôme មានទីតាំងក្នុងផ្សារទំនើបអ៊ីអនម៉លភ្នំពេញចាប់ផ្ដើមបើកដំណើរការ និងត្រៀមខ្លួនរួចជាស្រេចក្នុងការស្វាគមន៍អតិថិជន។

LANCÔME

Lancôme បានបង្កើតឡើងក្នុងឆ្នាំ ១៩៣៥ ដែលបង្កប់នូវអត្ថន័យនៃភាពស្រស់ស្អាតរបស់ជនជាតិបារាំង ក៏ដូចជាមានបំណងលើកទឹកចិត្តដល់ស្រ្តីគ្រប់រូប អោយថែរក្សារនិងស្រលាញ់ពេញចិត្តសម្រស់របស់ខ្លួន ដោយមិនគិតពីអាយុឬ ពណ៌សម្បុរឡើយ។ ប្រ៊េនឯកទេសខាងសម្រស់មួយនេះ​ បានរួមបញ្ចូលជំនាញវិទ្យាសាស្រ្ត និងការយល់ដឹងអំពីតម្រូវការរបស់ស្រ្តី ដើម្បីផលិតបាននូវការច្នៃប្រឌិត លក្ខណៈពិសេសនិង​ ការបំពេញបន្ថែមរវាងផលិតផលថែរក្សាសម្រស់ គ្រឿងសម្អាង និងទឹកអប់។