អេស្ប៉ាញ៖ ខ្សែប្រយុទ្ធវ័យក្មេងរបស់ Barcelona កីឡាករ Lamine Yamal បានលើកឡើងថា អតីតគ្រូបង្វឹកក្រុមអ្នកមានបុណ្យ លោក Xavi Hernandez ក៏បានរួមចំណែកក្នុងការជួយក្រុមឲ្យឈ្នះជើងឯក La Liga រដូវកាលនេះផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅក្នុងរដូវកាលនេះ Barcelona បានក្លាយជាជើងឯកនៃពានរង្វាន់ La Liga ហើយ ទោះនៅសេសសល់ ២ប្រកួតទៀតក៏ដោយ ខណៈ និយាយពី Lamine Yamal វិញ ក្នុងនោះគេបានរួមចំណែករកបាន ៨គ្រាប់ និង Assists ១៣លើកផងដែរ។
យ៉ាងណាមិញ ទន្ទឹមនឹងភាពជោគជ័យក្នុងពានរង្វាន់ La Liga គឺ Yamal បានភ្លេចគុណរបស់លោក Xavi នោះទេ ដោយរូបគេបានរៀបរាប់យ៉ាងដូច្នេះថា៖
ពួកយើងត្រូវការក្រុមមួយដែលថ្មី។ យើងពិតជាអរគុណ Xavi ណាស់ បើគ្មានគាត់ទេ ភាពជោគជ័យទាំងនេះក៏មិនអាចកើតឡើងបានដែរ ពីព្រោះគាត់បានតម្លើងកីឡាករក្មេងៗជាច្រើនមកកាន់ក្រុមឈុតធំ។ គាត់ជាគ្រូបង្វឹកដែលបានផ្តល់ឱកាសដល់ពួកយើង៕
Bong I.T