Rosé ទើបទម្លាក់បទថ្មី "Messy" និយាយពីការប្រណាំងឡាននៅ F1 ឡូយកប់ (មានវីដេអូ)

កម្សាន្ត៖ Rosé ដែលជាសមាជិកមានសំឡេងក្រអៅក្រអួនជាងគេក្នុងក្រុមចម្រៀងនារី BLACKPINK ទើបតែបង្កភាពភ្ញាក់ផ្អើលដល់អ្នកគាំទ្រ បន្ទាប់ពីនាងបានបញ្ចេញបទចម្រៀងថ្មីមានចំណងជើងថា "Messy"។

បទនេះជាបទ OST ក្នុងភាពយន្តនិយាយពីការប្រណាំងឡាននៅ Formula 1 ឬ ហៅថា F1 ដែលតួសម្ដែងគឺតារាប្រុសល្បីឈ្មោះ Brad Pitt រៀបរាប់ពីជីវិតនៅលើទីលានប្រណាំងឡានរបស់គេ។ បទនេះជាបទចេញពីអាល់ប៊ុម "F1 The Album" ដែល Rosé បានចូលរួមនិពន្ធជាមួយនឹង Cleo Tighe, Delacey, Matthew James Burns និង Peter Rycroft ។

វីដេអូក្នុងបទចម្រៀងនេះ នាងបានថតនៅ Las Vegas និងបានចេញជាផ្លូវការនាថ្ងៃទី៨ខែឧសភាកន្លងទៅនេះ។គួរបញ្ជាក់ផងដែរថា បទចម្រៀងក្នុងរឿងនេះ នៅមានតារាជាច្រើនទៀតនឹងចូលរួមច្រៀងដូចជា Ed Sheeran, Don Toliver, Doja Cat, Tate McRae, Burna Boy និង Roddy Ricch ជាដើម៕  

ប្រភព៖ allkpop