កម្សាន្ត៖ Victoria ដែលជាភរិយារបស់ អតីតកីឡាករបាល់ទាត់ David Beckham បានបង្ហាញវីដេអូនៃការរាំរបស់នាង យ៉ាងស្និទ្ធស្នាលជាមួយស្វាមី ក្នុងពិធីជប់លៀងគ្រួសារមួយ មុនឈានចូលអាយុ ៥០ ឆ្នាំរបស់ស្វាមី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គូស្វាមីភរិយាទាំងពីរ បានកាន់ដៃគ្នារាំ តាមបទចម្រៀងដែលពួកគេពេញចិត្ត ដើម្បីអបអរ រីករាយថ្ងៃខួបកំណើតរបស់ David Beckham ដោយនៅក្នុងនោះ ភរិយាអតីតកីឡាករបាល់ទាត់រូបនេះ បានរៀបរាប់ថា៖ «រីករាយថ្ងៃខួបកំណើត @davidbeckham... អ្នកគឺជាអ្វីគ្រប់យ៉ាងរបស់ខ្ញុំ ជាមិត្តល្អបំផុតរបស់ខ្ញុំ មិត្តរួមព្រលឹង និងជាដៃគូរាំសម្រាប់ជីវិត»។
អ្នកច្នៃម៉ូដរូបនេះ ក៏បានប្រើទំនុកច្រៀងចម្រៀង ដើម្បីបង្ហាញពីអារម្មណ៍របស់គូស្នេហ៍អ្នកទាំងពីរ ផងដែរ។
ជាពិសេស Victoria មិនបាននិយាយថា វីដេអូនេះត្រូវបានថតនៅពេលណានោះទេ ប៉ុន្តែកាសែត Daily Mail បានរាយការណ៍ថា គូស្វាមីភរិយាមួយគូនេះ បានរៀបចំពិធីជប់លៀងយ៉ាងអធិកអធម នៅឯគេហដ្ឋាន Cotswolds តម្លៃ ១០ លានផោន របស់ពួកគេ កាលពីល្ងាចថ្ងៃទី ៣០ ខែមេសា ខណៈដែល ភ្ញៀវជាច្រើន បានចូលរួមដោយស្លៀកពាក់យ៉ាងប្រណិតហើយរីករាយជាមួយស្រាក្រឡុកដ៏ល្អ នៅក្នុងពិធីជប់លៀងមួយនេះ៕
ប្រភព៖ Ngoisao.net
សូមទស្សនារូបភាពខាងក្រោម៖
Bong I.T