ជើងទី១ UCL Arsenal ចាញ់ PSG ក្នុងទឹកដីខ្លួនឯង ក្នុងលទ្ធផល ១ទល់នឹង០ (មានវីដេអូ)

កីឡា៖ កាលពីយប់ថ្ងៃទី៣០ខែមេសាកន្លងទៅនេះ ក្រុមកាំភ្លើងធំ Arsenal របស់លោក Mikel Arteta បានបើកកីឡដ្ឋាន Emirates Stadium ស្វាគមន៍ក្រុមភ្ញៀវ Paris Saint-Germain ក្នុងការប្រកួត Champions League វគ្គពាក់កណ្ដាលផ្ដាច់ព្រ័ត្រជើងទី១។

នេះជាលើកដំបូងក្នុងរយៈពេល១៦ឆ្នាំដែល កីឡដ្ឋាន Emirates បានបើកទទួលការប្រកួត Champions League វគ្គពាក់កណ្ដាលផ្ដាច់ព្រ័ត្រ ដែលវាជាឱកាសពិសេសមួយសម្រាប់អ្នកគាំទ្រកាំភ្លើងធំប៉ុន្តែលទ្ធផលនៃការប្រកួតបែរជាធ្វើឲ្យមានភាពខកចិត្តទៅវិញ។

ក្នុងនោះ Arsenal បានចាញ់ ក្រុមភ្ញៀវ PSG ១ ទល់នឹង០ ដោយស៊ុតបញ្ចូលទី១គ្រាប់ដោយ Ousmane Dembele នៅនាទីទី៤។ យ៉ាងណាក្រោយបញ្ចប់ការប្រកួត លោក Arteta ថាលោកនៅតែបន្តមានជំនឿជាក់លើកូនក្រុមរបស់លោក ថានឹងអាចយកឈ្នះ PSG នៅការប្រកួតជើងទី២ នឹងធ្វើឡើងនាថ្ងៃទី៨ខែឧសភាខាងមុខនេះ៕  

ប្រភព៖ cnn