ប៉ោយប៉ែត៖ កម្លាំងនគរបាលនៃមន្ទីរប្រឆាំងគ្រឿងញៀនក្រសួងមហាផ្ទៃ សហការជាមួយនគរបាលខេត្តបន្ទាយមានជ័យ បានចាប់ខ្លួនចំនួន៥៨នាក់ ក្នុងនោះមានជនជាតិតៃវ៉ាន់៦នាក់ផងដែរ អំឡុងពេលឆ្មក់ចូលហាងខារ៉ាអូខេមួយកន្លែងក្នុងក្រុងប៉ោយប៉ែតកាលពីថ្ងៃអាទិត្យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជនសង្ស័យត្រូវប្រឈមមុខនឹងការចោទប្រកាន់ពាក់ព័ន្ធករណីប្រើប្រាស់គ្រឿងញៀន ជួញដូរគ្រឿងញៀន និងផ្តល់ទីតាំងប្រើប្រាស់គ្រឿងញៀន។
លោកវរសេនីយ៍ទោ នួន សុខជា នាយរងមន្ទីរប្រឆាំងគ្រឿងញៀនខេត្ត បានបញ្ជាក់ថា ការចុះបង្រ្កាបនេះ ធ្វើឡើងនៅវេលាម៉ោង ១១ និង៣០នាទី ថ្ងៃអាទិត្យ ត្រង់ចំណុច «The Queen» KTV ជាប់ព្រំដែនកម្ពុជា-ថៃ ក្នុងសង្កាត់ប៉ោយប៉ែត ក្រុងប៉ោយប៉ែត។
ដឹកនាំដោយព្រះរាជអាជ្ញារង កម្លាំងសមត្ថកិច្ចបានដកហូតថ្នាំញៀន និងឧបករណ៍ប្រើប្រាស់គ្រឿងញៀនជាច្រើនមុខក្នុងប្រតិបត្តិការ។
លោកវរសេនីយ៍ទោ សុខជា មានប្រសាសន៍ថា “បន្ទាប់ពីការចាប់ខ្លួន និងសួរចម្លើយ បុគ្គលចំនួន ១៦ នាក់ រួមទាំងម្ចាស់ KTV និងបុគ្គលិក ១៣ នាក់ ត្រូវបានរកឃើញថាមានជាប់ពាក់ព័ន្ធក្នុងការផ្តល់កន្លែងសម្រាប់ប្រើប្រាស់គ្រឿងញៀន” ។ បុរសពីរនាក់ត្រូវបានចោទប្រកាន់ពីបទជួញដូរគ្រឿងញៀន ខណៈ ៣៤ នាក់ផ្សេងទៀតត្រូវបានគេរកឃើញថាកំពុងប្រើប្រាស់គ្រឿងញៀន»។
លោកបន្តថា ជនសង្ស័យខ្មែរទាំងអស់ត្រូវបានបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមផ្លូវច្បាប់។ ជាមួយគ្នានេះ ជនជាតិតៃវ៉ាន់ទាំង៦នាក់នោះ ត្រូវបានបញ្ជូនទៅអគ្គនាយកដ្ឋានអន្តោប្រវេសន៍រាជធានីភ្នំពេញ ដើម្បីនិរទេសខ្លួន។
អាជ្ញាធរបានបិទទីតាំង KTV ជាបណ្ដោះអាសន្ន ដោយរង់ចាំការស៊ើបអង្កេតបន្ថែមទៀត។
លោក សំរិទ្ធ សុខុន អ្នកនាំពាក្យសាលាដំបូងខេត្តបន្ទាយមានជ័យ មិនអាចទាក់ទងសុំការអត្ថាធិប្បាយបានទេ កាលពីម្សិលមិញ។
ប្រភពពី៖ khmertimeskh
Bong I.T