ស្ងាត់ៗ Rosé ចេញមកបណ្ដើរបុរសម្នាក់ នៅកោះហាវ៉ៃ ស្របនឹងចចាមអារ៉ាមថាទាក់ទងគ្នា

កម្សាន្ត៖ Rosé ទើបតែបានបញ្ចេញបទចម្រៀងជាច្រើនក្នុងអាល់ប៊ុមថ្មីរបស់នាង "rosie" ក្រោយទទួលបានការគាំទ្រយ៉ាងខ្លាំងក្លាសម្រាប់បទ "APT." ដែលនាងបានច្រៀងរួមគ្នាជាមួយនឹងតារាចម្រៀងប្រុស Bruno Mars ។ បទមួយក្នុងចំណោមបទជាច្រើនដែលទាក់ទាញចំណាប់អារម្មណ៍អ្នកគាំទ្រខ្លាំងនោះគឺបទ "Toxic Till The End" ដែលបានបញ្ចេញ Music Video ដោយក្នុងនោះ Rosé បានសម្ដែងជាគូស្នេហ៍ជាមួយនឹងតារាប្រុស Evan Mock ។

Rosé  ក៏បានទម្លាយផងដែរថាបទចម្រៀងជាច្រើនក្នុងអាល់ប៊ុមថ្មីនេះគឺនាងចង់បរិយាយពី អតីតមិត្តប្រុសរបស់នាង ដែលធ្វើឲ្យមានការវែកញែកថានរណាជាអតីតមិត្តប្រុសនាង។ ទន្ទឹមនឹងនោះដែរ អ្នកគាំទ្រសង្ស័យនឹងទំនាក់ទំនងរវាងនាងនិងតារាប្រុស Evan Mock ព្រោះឃើញពួកគេធ្លាប់ចេញមកបណ្ដើរគ្នានៅញ៉ូវយ៉ក។

ថ្មីៗនេះ រូបភាព Rosé និង Evan Mock បានទៅដើរលេងជាមួយគ្នានៅឯកោះហាវ៉ៃកំពុងទាក់ទាញចំណាប់អារម្មណ៍ខ្លាំងណាស់ ដោយក្រុមគ្រួសារមួយថតបានប្រារព្ធពិធីចូលឆ្នាំសាកលនៅទីនោះ ដោយ Rosé បានអង្គុយនៅក្រោយឡានជាមួយនឹង Evan ដែលធ្វើឲ្យផ្ទុះការសង្ស័យថាអ្នកទាំងពីរគ្រាន់តែសម្ដែងជាមួយគ្នា ឬមានអ្វីលើសពីនោះ៕  

ប្រភព៖ koreaboo