ដំណឹងល្អ! ទីបំផុត Pogba ទទួលបានភ្លើងខៀវ និងពេលវេលាជាក់លាក់ចូលលេងបាល់ទាត់វិញហើយ

បរទេស៖ ខ្សែបម្រើ Paul Pogba ទទួលបានភ្លើងខៀវក្នុងការចូលប្រកបអាជីពជាកីឡាករបាល់ទាត់វិញហើយ ក្រោយគាត់ត្រូវបានតុលាការពិន័យមិនឱ្យពាក់ព័ន្ធនឹងបាល់ទាត់រយៈពេល ៤ ឆ្នាំ។

អតីតខ្សែបម្រើរបស់ Manchester United រូបនេះ បានទទួលរងពិន័យដូចខាងលើ បន្ទាប់ពីគាត់ត្រូវបានរកឃើញវិជ្ជមាន ថាបានប្រើប្រាស់សារធាតុហាមឃាត់ DHEA ហើយដោយសារតែមូលហេតុនេះ ធ្វើឱ្យគាត់ត្រូវតុលាការដាក់ពិន័យមិនឱ្យពាក់ព័ន្ធនឹងបាល់ទាត់រយៈពេល ៤ ឆ្នាំ។

យ៉ាងក៏ដោយ ថ្មីៗនេះយោងតាមការចុះផ្សាយដោយសារព័ត៌មាន Daily Mail បានឱ្យដឹងថា ការពិន័យរបស់ Pogba នឹងត្រូវបន្ថយពីរយៈពេល ៤ ឆ្នាំ មកត្រឹមរយៈពេល ១៨ ខែ វិញ ហើយគាត់នឹងត្រូវបានអនុញ្ញាតឱ្យចូលហ្វឹកហាត់ជាមួយ Juventus វិញ នៅខែ មករា ឆ្នាំ ២០២៥ និងអាចចូលលេងជាផ្លូវការនៅខែ មីនា ឆ្នាំ ២០២៥ ដដែល៕

ប្រភព៖ Sportskeeda