សឹងមិនគួរឱ្យជឿ! តារាឆ្នើមរូបនេះ បានប្រកាសចូលនិវត្តន៍ជាមួយក្រុមជម្រើសជាតិ បារាំង ហើយ

បរទេស៖ ខ្សែបម្រើប្រយុទ្ធរបស់ក្រុម Atletico Madrid កីឡាករ Antoine Griezmann បានសម្រេចចិត្តចូលនិវត្តន៍ជាមួយក្រុមជម្រើសជាតិ បារាំង ហើយត្រឹមវ័យ ៣៣ ឆ្នាំ។

Griezmann គឺត្រូវបានគេចាត់ទុកថាជាវីរបុរសមួយរូបរបស់ក្រុមជម្រើសជាតិ បារាំង ក្នុងនោះគាត់ធ្លាប់បង្ហាញខ្លួនឱ្យក្រុមរហស្សនាមមាន់គកបានចំនួន ១៣៧ ប្រកួត និងរកបានគ្រាប់បាល់បានចំនួន ៤៤ គ្រាប់។

គួរបញ្ជាក់ថា សមិទ្ធផលដ៏ធំបំផុតរបស់ Griezmann គឺគាត់បានជួយឱ្យជម្រើសជាតិ បារាំង ឈ្នះពាន World Cup ២០១៨ និងពាន UEFA Nations League ២០២១៕

ប្រភព៖ Fabrizio Romano