បរទេស៖ ខ្សែការពារស្លាបស្តាំរបស់ Real Madrid កីឡាករ Dani Carvajal បានទម្លាយហេតុផលធំមួយ ដែលការចាប់ដៃគូគ្នាក្នុងរដូវកាលដំបូងរវាង Kylian Mbappe, Vinicius Jr., និង Rodrygo ពុំទាន់សហការគ្នាបានល្អនៅលើទីលាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅរដូវក្តៅនេះ Real Madrid បានសម្រេចកិច្ចព្រមព្រៀងដ៏ធំមួយ ដោយបានចុះកុងត្រាយកបានខ្សែប្រយុទ្ធសញ្ជតិ បារាំង Kylian Mbappe ដោយគ្មានតម្លៃខ្លួន ក្នុងកុងត្រារយៈពេល ៥ ឆ្នាំ ពោលគឺដល់ខែ មិថុនា ឆ្នាំ ២០២៩។
យ៉ាងណាមិញ ចំពោះការមកដល់របស់ខ្សែប្រយុទ្ធម្ចាស់ World Cup ២០១៨ គឺបានធ្វើឱ្យគេគិតថា ក្រុម Real Madrid នឹងកាន់តែខ្លាំងក្លា ដោយសារតែពួកគេមានខ្សែប្រយុទ្ធ trio នៅខាងលើសុទ្ធតែឆ្នើមៗ ប៉ុន្តែផ្ទុយមកវិញ ក្នុងការចាប់ផ្តើមរដូវកាល ២០២៤-២០២៥ នេះ ពួកគេគឺហាក់ធ្វើពុំទាន់បានល្អឥតខ្ចោះដូចការរំពឹងទុកនៅឡើយទេ។
ជាមួយគ្នានេះ បើតាមការលើកឡើងដោយខ្សែការពារចាស់វស្សា Carvajal បានឱ្យដឹងថា មូលហេតុ ដែលខ្សែប្រយុទ្ធឆ្នើមទាំង ៣ សហការគ្នាមិនទាន់មានភាពល្អប្រសើរនៅលើទីលាន គឺដោយសារតែពួកគេមិនទាន់យល់ចិត្តគ្នា ១០០% ហើយពួកគេទាំង ៣ សុទ្ធតែចូលចិត្តលេងនៅស្លាបឆ្វេងដូចគ្នា ហើយលោកជឿថា Real Madrid នឹងត្រឡប់មករកភាពខ្លាំងឡើងវិញឆាប់ៗ នៅពេលដែលខ្សែប្រយុទ្ធជួរមុខទាំង ៣ យល់ចិត្តគ្នាទាំងស្រុងនៅលើទីលាន។
ដកស្រង់ពាក្យសម្តីដើម Carvajal បាននិយាយយ៉ាងដូច្នេះថា៖
Vinicius, Mbappe និង Rodrygo ពួកគេទាំងអស់គ្នា គឺសុទ្ធតែចូលចិត្តការលេងនៅស្លាបខាងឆ្វេងដូចគ្នា ហើយពួកគេមិនសូវទៅលេងនៅស្លាបខាងស្តាំនោះទេ ប៉ុន្តែនេះគ្រាន់តែជាបញ្ហាមួយនៅក្នុងខណៈពេលនេះ មុនពេលពួកគេយល់ចិត្តគ្នាទាំងស្រុងប៉ុណ្ណោះ។ តុល្យភាពក្រុមនឹងត្រឡប់មកវិញក្នុងពេលឆាប់ៗ៕
ប្រភព៖ Sportskeeda
Bong I.T