លាហើយហ្វេនៗ! ស្ងាត់ៗតារាឆ្នើមរបស់ Man UTD រូបនេះ ជិតផ្ទេរទៅកាន់ West Ham ហើយ

បរទេស៖ ខ្សែការពារស្លាបស្តាំរបស់ Manchester United កីឡាករ Aaron Wan-Bissaka ត្រូវបានគេរាយការណ៍ថា កៀកនឹងផ្ទេរទៅកាន់ក្លិបញញួរយក្ស West Ham នៅរដូវក្តៅនេះហើយ។

រម្លឹកថា ខ្សែការពារសញ្ជាតិ អង់គ្លេស វ័យ ២៦ ឆ្នាំរូបនេះត្រូវបាន Man UTD ចុះកុងត្រាពី Crystal Palace កាលពីឆ្នាំ ២០១៩ កន្លងទៅក្នុងតម្លៃ ៥០ លានផោន ឬប្រមាណជា (៦៤ លានដុល្លារអាមេរិក) ហើយក្នុងការប្រកបអាជីពនៅទឹកដី Old Trafford រយៈពេល ៥ ឆ្នាំមកនេះ Wan-Bissaka បង្ហាញខ្លួនបានចំនួន ១៩០ ដង ក្នុងនោះគេរកគ្រាប់បាល់បាន ២ គ្រាប់ និង assist បាន ១៣ លើក និងបានជួយឱ្យក្រុមបិសាចក្រហមឈ្នះពាន FA Cup និង League Cup មួយសម័យកាលផងដែរ។

ថ្មីៗនេះយោងតាមការចុះផ្សាយដោយអ្នកកាសែតលោក Jack Rosser បានឱ្យដឹងថា Man UTD គ្រោងនឹងយល់ព្រមលើកិច្ចព្រមព្រៀងផ្ទេរតម្លៃច្រើនជាង ១០ លានផោន ឬប្រមាណជា (១២.៨ លានដុល្លារអាមេរិក) ពីក្រុមញញួរយក្ស West Ham៕

ប្រភព៖ Sportskeeda