អង់គ្លេស៖ អតីតខ្សែប្រយុទ្ធជើងចាស់របស់ Manchester United លោក Dwight Yorke ជឿជាក់ថា កីឡាករ Rasmus Hojlund នឹងគ្មានថ្ងៃអាចរកបាន ២០គ្រាប់ក្នុងមួយរដូវកាលជូនក្រុមបិសាចក្រហមឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Hojlund បានចាកចេញពី Atalanta ចូលរួមជាមួយ Man UTD កាលពីរដូវកាលមុនក្នុងនោះគេរកបាន ១៦គ្រាប់ ចំណោមការបង្ហាញខ្លួនសរុប ៤៣ប្រកួត នៃរដូវកាលដំបូងរបស់ខ្លួន ខណៈ តួលេខនេះ គឺ ប្រសើរជាងរដូវកាលដំបូងរបស់គាត់ជាមួយអតីតក្លិបចាស់ ជាក់ស្តែងជាមួយ Atalanta គេរកបាន ១០គ្រាប់ FC Copenhagen ៥គ្រាប់ និង Sturm Graz ១២គ្រាប់។
ទាក់ទងនឹងរឿងខាងលើ លោក Yorke បាននិយាយថា៖
ខ្ញុំគិតថាវានឹងពិបាកណាស់សម្រាប់ Hojlund ក្នុងការស៊ុតបញ្ចូលទី ២០ គ្រាប់ក្នុងមួយរដូវកាល ហើយ ខ្ញុំគិតថាវានឹងគ្មានថ្ងៃកើតឡើងនោះទេ។ គាត់នៅក្មេង ប៉ុន្តែ បើមើលការលេងរបស់គាត់ក្នុងព្រឹត្តិការណ៍ EURO កន្លងទៅ គាត់ដូចជាខ្វះអ្វីម្យ៉ាងក្នុងនាមជាខ្សែប្រយុទ្ធ ហើយ ខ្ញុំក៏មិនច្បាស់ថាវាជាអ្វីឲ្យប្រាកដដែរ៕
ប្រភព៖ sportskeeda
Bong I.T