តារា KPOP ស្រីរូបនេះ ត្រូវកា»-ត់ទោសឲ្យជាប់ពន្ធនា»-គារ១០ឆ្នាំ ដោយសារ...

កូរ៉េខាងត្បូង៖ អតីតសមាជិករបស់ក្រុមចម្រៀងនារី INSTAR និងបច្ចុប្បន្នជា DJ ឈ្មោះថា Yesong ត្រូវបានតុលាការប្រកាសសាលក្រមឲ្យជាប់ពន្ធនាគារចំនួន១០ឆ្នាំ បន្ទាប់ពីនាងបានបើកឡានបុកអ្នកបើកបរម្នាក់ឲ្យបាត់បង់ជីវិតនៅលើដងផ្លូវ។

 Yesong បានបើកបរក្នុងស្ថានភាពស្រវឹងខ្លាំង ជាមួយនឹងកម្រិតជាតិអាល់កុលដល់ទៅ ០.២២១ភាគរយ កាលពីខែកុម្ភៈកន្លងទៅនេះ ក្រោយនាងបានបើកឡាន Mercedes-Benz បុកនឹងអ្នកដឹកជញ្ជូនជិះម៉ូតូម្នាក់។

ពេលនោះ Yesong បានបើកបរឆ្លងផ្លូវ ហើយក៏ប៉ះពារជាមួយនឹងបុរសឈ្មោះ "A" ម្នាក់នោះបណ្ដាលឲ្យស្លាប់បាត់បង់ជីវិតតែម្ដង។ ក្រោយបង្កហេតុ DJ ស្រីរូបនេះពុំបានរូតរះទៅជួយមើលស្ថានភាពរបស់ជនរងគ្រោះទេ បែរជាទៅឱបសត្វចិញ្ចឹមរបស់នាងទៅវិញ ដែលធ្វើឲ្យចៅក្រមចោទប្រកាន់នាងថាពុំមានទឹកចិត្តអាណិតដល់ជនរងគ្រោះដូច្នេះទើបឈានដល់ការកាត់ក្ដីឲ្យជាប់ឃុំរយៈពេល១០ឆ្នាំ ព្រមទាំងយកឡានបង្កហេតុរបស់នាងទៅរក្សាទុក៕  

ប្រភព៖ allkpop